A Mariña, 6 de agosto de 2014. O colectivo de emigrantes retornados da Mariña denuncia o envío de cartas a emigrantes retornados por parte da administración de Facenda española reclamando o abono da débeda principal, sancións e intereses de demora en datas previas ao acordo do Consello de Ministros do 1 de agosto que condona o pago de sancións e intereses e abre a partir do 1 de xaneiro de 2015 un periodo de regularización voluntaria de seis meses. En concreto denuncia o envío dunha reclamación a un membro do colectivo mariñao con data do 29 de xullo, 2 días antes do acordo do Consello de Ministros español.
Facenda tramita con urxencia reclamacións a emigrantes retornados para evitar que se acollan ao acordo do consello de ministros do 1 de agosto
Para o colectivo mariñao “a facenda española exprime aos colectivos de emigrantes retornados ate o último momento” co envío de cartas reclamando débeda principal, sancións e intereses, a fin de evitar que estas persoas podan acollerse ao período voluntario de regularización aprobado polo Consello de Ministros do pasado 1 de agosto.
En concreto sinalan as recibidas por un matrimonio pertencente ao colectivo con residencia en Xove que recibiu esta misiva de facenda o pasado 29 de xullo reclamándolle o abono de 632 e 2.722 euros correspondentes aos exercizos fiscais 2010 e 2011, sancións e intereses aparte. “Temos a seguridade de que estas reclamacións están sendo masivas polo que a pesar da satisfacción por ter ganado unha parte da batalla ao forzar este período de regularización, a parálise das sancións e a súa devolución e o recoñecemento dunha mala información por parte de facenda, aínda queda moito por facer”. Neste sentido, convida a aquelas persoas que recibiran estas notificacións de facenda nos últimos días a que se poñan en contacto co colectivo.
A presión dos colectivos de retornados deu froitos mais aínda queda moito por facer
O colectivo destaca que o acordo do consello de ministros do 1 de agosto ven a recoñecer algunha das principais demandas dos e das emigrantes no sentido de que foron mal informados, na apertura dun período de regularización ou na paralización e mesmo devolución de sanción e intereses. Con todo, segue pendente a modificación lexislativa para evitar o trato inxusto da lei 35/2006 que discrimina a declaración entre aquelas persoas que perciben unha ou varias pagas independentemente da súa contía.
No anuncio feito público polo Consello de Ministros do 1 de agosto acórdase abrir a partir de xaneiro de 2015 un período de seis meses para a regularización voluntaria de débedas tributarias que inclúe a condonación de intereses sancións, tanto a afectados pendentes de pago como a aqueles que xa efectuaron pagos voluntariamente.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
