O dispositivo de limpeza para a Maruxaina inclúe o reforzo de persoal e o aumento do número de aseos e de colectores

Cervo, 6 de agosto de 2014- O Concello de Cervo colabora, ao igual que todos os anos, na organización da festa da Maruxaina que se celebra este sábado, mobilizando a decenas de traballadores municipais, reforzando servizos habituais e destinando recursos públicos. Un apoio no que pon especial atención á seguridade e á limpeza, coordinando dispositivos especiais con medios e persoal municipal.

No caso da limpeza, o Concello prevé reforzar o servizo para manter en bo estado as rúas. Para iso, ampliará o número de traballadores que se dedicarán a estas tarefas nos días posteriores á festa. Ademais realizarán un traballo de limpeza e mantemento continuado dos aseos públicos que se habilitarán durante a festa.

Da mesma maneira, o Concello duplicará o número de aseos dispoñibles con respecto ao ano pasado ata un total de 22, que se distribuirán por diferentes puntos da vila, sempre dentro da zona da festa, como son o paseo do Torno, a praza dos Campos, a Casa da Cultura, os vestiarios da praia de Cubelas e o parque Reina Sofía. Tamén se ampliará o número de contedores, neste caso por todo San Cibrao, para atender as necesidades da poboación que se multiplica notablemente nesa fin de semana.

Neste sentido, o papel de todas as persoas que asisten á festa é moi importante xa que “para que el dispositivo de limpieza sea útil tenemos que colaborar todos, actuando de forma responsable, utilizando y aprovechando los servizos que se ofrecen”, asegura a edil de Medio Ambiente, Begoña Alonso.

Unhas medias que se suman ao dispositivo de seguridade do que xa informou o Concello, que inclúe a mobilización de efectivos das diferentes forzas e corpos de seguridade, a dotación dun Posto Médico Avanzado ou o lanzamento do castelo pirotécnico dende o dique Anxuela.