Foz, 6 de agosto de 2014. Representantes do Concello e da asociación Sempre Foz presentaron hoxe as festas de San Lourenzo 2014, que serán pregoadas polo Padre Ángel, cofundador da ONG Mensajeros de la Paz este venres, día 8 de agosto.
O alcalde focense, Javier Jorge Castiñeira, comentou que “dende o Concello queremos agradecer á asociación Sempre Foz, que e á comisión de festas deste San Lourenzo 2014, por poñer todos os seus máximos esforzos e facer un programa do San Lourenzo como se merecen unhas festas que son de Interese Turístico Galego. As festas comezarán este venres ás 20:30 horas coa lectura do pregón que fará un personaxe ilustre como é o Padre Ángel, cofundador da ONG Mensajeros de la Paz, unha asociación que leva traballando no noso concello dez anos. Concretamente, este ano cumpren o seu décimo aniversario e van seguir con nós ata que estea feita esa nova infraestrutura que hai en construción, que é o novo xeriátrico. Por tanto creo que son méritos suficientes os de Mensajeros de la Paz e os do Padre Ángel como personaxe nacional e internacional de recoñecido traballo cara aos demais e sobre para aos máis desfavorecidos; no noso concello cós nosos maiores durante dez anos polo que queríamos que fosen eles os pregoeiros celebrando este décimo aniversario”.
O rexedor municipal engadiu que “despois do pregón, ás 21:30 horas, será o chupinazo e a partir desa hora celebraranse as verbenas. O sábado teremos diferentes actividades, entre elas o trofeo de fútbol Vila de Foz, a mostra folclórica infantil do Feitizo e a verbena a partir das 22:30 horas na praza Conde de Fontao e na explanada do porto. Xa o domingo, que é o día grande, teremos a misa ás 12:00 horas na igrexa parroquial e a partir de aí a procesión. Logo haberá a mostra folclórica de adultos do Feitizo, a gran verbena coa orquestra Costa Oeste e o espectáculo máis importante das festas, que son os fogos de artificio na noite do domingo para o luns a unha da madrugada”.
Javier Castiñeira rematou explicando que é “un programa adaptado ás circunstancias pero atractivo, cun custe próximo aos 40.000 euros. Supón sobre todo un sacrificio moi importante para aquelas persoas que ceden o seu tempo para organizar unhas festas para todos dun calado importante para A Mariña como son as festas do San Lourenzo, de Foz. Son uns festexos con moita xente participando e, dende logo, quédanos agradecer a todos aqueles que participan no financiamento, como a Xunta de Galicia ademais do propio Concello, e sobre todo ás organizacións e asociacións como a Banda de Música, os grupos de baile tradicional e os patrocinadores, entre eles o comercio e a hostalaría local, que son os que financian gran parte destas festas. Pero, sobre todo, a este grupo de rapaces da asociación Sempre Foz, que están aí dedicando o seu tempo a facer unhas festas que son a referencia do noso concello e da Mariña no verán. Quedades todos invitados a gozar do San Lourenzo: das noites, das verbenas e da hostalaría, como sempre se fixo por estas datas no noso concello.”
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
