Preto de 90 persoas participaron este sábado, no Concello do Valadouro, nas actividades lúdico medioambientais que ofrece a Deputación, a custe cero para os participantes, a través do programa Lugoteando. Esta iniciativa, financiada nun 80% con fondos europeos a través do programa Lug02, conta cun programa lúdico deportivo para un amplo público, que busca potenciar o medio natural como un factor xerador de riqueza na provincia ó tempo que se ofrece unha alternativa lúdica a centos de persoas. A iniciativa goza dunha grande aceptación entre os lucenses, pois foron xa máis de 4.000 as persoas que participaron neste programa nas súas edicións anteriores, o que demostra que o ocio medioambiental e o aproveitamento lúdico dos nosos recursos fluviais e litorais é unha das maiores oportunidades económicas da provincia.
Durante a xornada celebrada no Valadouro, ofrecéronse actividades terrestres como son o segway, un transporte lixeiro de dúas rodas, no que o usuario utiliza o peso do corpo para manexalo, e que se impulsa a motor silencioso e non contaminante; os skates a motor, taboas de skateboard que contan con un motor eléctrico respectuoso co medio ambiente ou o Longskate, variante do skate pero máis longo do habitual que se utiliza normalmente para descender costas, derrapar ou simplemente como medio de transporte. Por último, no Concello do Valadouro instalouse o Simulador de Surf, unha das actividades que goza de máis aceptación entre os participantes e que permite experimentar a sensación de facer surf de xeito seguro e en calquera lugar.
Calendario
A 5ª edición do Lugoteando da Deputación desprazarase durante os meses de agosto e setembro por a zona centro, a zona sur e a Mariña Lucense, para que ningunha persoa se perda esta oferta lúdico medioambiental e deportiva. O calendario de actividades é o seguinte:
– 16 de agosto: O Incio, no embalse.
– 17 de agosto: A Pobra do Brollón, na praia fluvial.
– 23 de agosto: Burela, na praia urbana.
– 29 de agosto: Guitiriz, na praia fluvial de Parga.
– 5 de setembro: Vilalba, no complexo da Magdalena.
– 7 de setembro: A Fonsagrada, na Praza do Concello.
– 6 e 7 de setembro: Lugo, na área recreativa de Los Robles.
Para estas xornadas, ofreceranse 700 prazas gratuítas (cen por cada Concello) para practicar surf, coñecer o sea scooter, subirse ás bananas acuáticas, dar paseos en canoas ou experimentar os patinetes acuáticos a pedal. O prazo de inscrición aínda continúa aberto en www.deputacionlugo.gal e no telefono 982 260 147. Os menores de idade que desexen participar nestas actividades deberán presentar unha autorización firmada polos pais ou titores, que tamén se pode descargar na web da Deputación.
Apoio ó medioambiente
A Deputación de Lugo volve apostar polos recursos fluviais e litorais da provincia como oportunidades económicas. Lugoteando é unha das actividades que organiza durante todo o ano para potenciar o ocio medioambiental e o turismo desestacionalizado para xerar riqueza. Este tipo de actividades tamén contribúen a impulsar negocios lucenses de diferente sectores –hostalería, gastronomía, deportes e multiaventura, etc.-, mantendo postos de emprego, especialmente no rural, e axudando a fixar poboación.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
