Unha vez realizados todos os trámites administrativos para proceder á ampliación do ámbito de actuación da Asociación de comerciantes do Casco Histórico de Viveiro, o colectivo ven de recibir todas as autorizacións pertinentes para levar a cabo o mesmo. Tras meses de traballo, consultas, asesoramentos legais e demais trámites, os estatutos quedaron modificados podendo dar de alta desde este mesmo momento a todos os negocios da zona de Lodeiro, a variante e Verxeles.
Durante estes días serán enviadas cartas a todos os negocios destas zonas, con información da Asociación, os seus obxectivos e actividades, para que todos aqueles que o desexen poidan darse de alta como asociados.
Desde a Directiva e a xerencia da Asociación trabállase desde estes momentos nun cambio de imaxe corporativa para convertela en moderna e dinámica, acorde ao que pretende transmitir o comercio na etapa actual, unidade e competitividade. O obxecto principal é xuntar os máximos esforzos posibles para fomentar e defender as compras no comercio local. Para iso necesitamos de todos e cada un dos apoios que nos poidan dar os negocios da nosa cidade.
Desde fai anos vénse traballando en distintas campañas de dinamización comercial ao longo de todo o ano, algunhas xa afianzadas co tempo e outras de recente creación como os Concursos de Tapas ou a Feira de Stocks de Agosto. Tamén se realizan convenios de colaboración con distintas empresas e organismos para conseguir vantaxes competitivas para os nosos asociados, porque non é o mesmo negociar de forma individual que para un colectivo. Ocupámonos da representación dos intereses do comercio ante organismos institucionais como Concello, Xunta ou Deputación, porque falando como colectivo facémonos oír mellor. Formamos parte e participamos activamente na Federación de Comercio da Mariña, porque a unidade como comarca abriranos portas ao exterior. E o máis importante, é que calquera actividade que organicemos no pobo, que atraia e mobilice clientes favorece a toda a economía local… porque os comercios dan vida ás cidades.
II Feira de Stocks
Do 19 ao 21 de agosto nas carpas situadas nos Xardíns Noriega Varela levarase a cabo a II Feira de Stocks organizada pola Asociación de comerciantes do Casco Histórico de Viveiro. Cun total de 14 participantes contará con artigos de moda de home, muller e nenos, deportes, complementos, óptica, mobles, xoiería e zapaterías. O éxito da pasada feira estivo baseado en gran medida pola variedade de sectores e artigos postos á venda cuns prezos moi reducidos.
Durante tres días e en horario de 11.00 a 14.00 e de 18.00 a 21.00 horas, os comerciantes sacarán á venda produtos das últimas tempadas e os clientes poderán aproveitar para adquirir verdadeiras gangas.
Contando coa afluencia de xente que ten Viveiro no mes de agosto, desde a asociación esperamos repetir o éxito obtido o ano pasado.
O venres 15 de Agosto o comercio asociado ao Casco Histórico abrirá as súas portas en horario especial de festivos, de 11.00 a 14.00 horas e de 18.00 a 21.00 horas.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
