Ribadeo, 13 de agosto de 2014. A sección de vento-madeira da Banda Municipal de Música de Ribadeo e o grupo Ribadeo Clarinet Connection actuarán este xoves 14 de agosto, a partir das 23:00 horas, na Praza 8 de Marzo, situada detrás do Cine Teatro. Forma parte dunha serie de concertos que, baixo a denominación Agosto Musical 2014, se iniciaron o pasado 8 de agosto e mediante os cales a asociación Amadores da Música pretende amosar e promover o traballo dos membros da Banda agrupados por seccións instrumentais.
O director da Banda de Música Municipal de Ribadeo, David Ballester, explicou que “mañá ás once da noite vai ter lugar un concerto da sección de vento madeira da Banda de Música Municipal de Ribadeo. Nel ensinaremos todo o que se traballa na nosa banda e como tocan os rapaces que forman parte dela. Primeiro faremos un pouco de música por seccións. Tocarán de maneira independente as frautas, os saxos e os clarinetes cun grupo que saíu da propia banda. E, xa despois, remataremos tocando todos xuntos obras de distintos estilos, variadas, con arranxos feitos para ocasións como esta, xa que non hai moito material composto para este tipo de grupos”.
Ballester recordou que este concerto forma parte dun ciclo iniciado o pasado día 8 de agosto: “ esperamos que a xente responda porque xa houbo un concerto o día 8 de percusión e a semana que ven, o vindeiro 21 de agosto, haberá outro da sección de vento-metal na Praza de Abaixo, detrás do Cantón”, afirmou. O director da Banda Municipal explicou que “todo isto facémolo para mostrar coma funciona a Banda e como traballan os rapaces, pero tamén para dar a coñecer estes músicos á xente.”
O responsable da Banda de Ribadeo adiantou que “como punto final a toda esta serie de concertos o día 29 terá lugar no Parque de San Francisco un concerto baseado todo en música de cine. Este irá acompañado, como non, de proxeccións de imaxes daquelas películas das que tocaremos as súas bandas sonoras”.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
