Lugo, 21 de agosto de 2014.- A Deputación de Lugo asinou hoxe un convenio con A Mariña Federación, asociación que aglutina á maioría de asociación de comerciantes, industriais e autónomos da Costa luguesa, co que a institución provincial achega 6.000 euros para o impulso da actividade deste asociación e que permitirá a posta en marcha de diferentes iniciativas encamiñadas á promoción do comercio no medio rural. O convenio foi asinado pola Vicepresidenta Segunda, Lara Méndez, e o Presidente da asociación, Ramón Leivas, a sede que A Mariña Federación ten en Ribadeo.
No acto de sinatura, Méndez destacou que “a Deputación ten o convencemento de que o medio rural conta cun gran potencial para xerar riqueza e emprego, e froito deste convencemento estamos decididos a prestar todo o noso apoio a todas as iniciativas que contribúan a dar visibilidade e viabilidade a calquera alternativa de futuro que contribúa a xerar emprego e, polo tanto, fixar poboación naquelas zonas da provincia máis castigadas pola perda demográfica”. “Lugo é eminentemente rural e apostar polo rural é apostar pola provincia”, sentenciou.
Deste xeito, e tal e como destacou Lara Méndez, “este convenio ratifica o feito de que A Mariña Federación e a Deputación de Lugo comparten os mesmos obxectivos”, engadindo que “é fundamental que as administracións e a cidadanía poidan poñer en marcha iniciativas conxuntas coma esta, que contribúan á modernización, dignificación e impulso do traballo no rural”. Pola súa banda, o presidente da federación, Ramón Leivas agradeceu o apoio “incondicional” da Deputación.
Liñas de apoio ó sector
A Mariña Federación naceu a finais de 2013, e aglutina a asociacións de comerciantes dos Concellos do Vicedo; Viveiro; Xove; Burela; Foz; Lourenzá e Ribadeo. Máis de 1.000 membros de asociacións de comerciantes, industriais e autónomos que uniron forzas co obxectivo de poñer en valor o potencial da Comarca, non só dende o punto de vista comercial senón tamén turístico, gastronómico e cultural, entre outros. Este convenio axudou a dar visibilidade a esta nova federación e impulsar a actividade dos establecementos que a integran mediante campañas publicitarias en prensa escrita e radios.
Esta non é a única colaboración que mantén a Deputación de Lugo tanto con autónomos como empresarios de toda a provincia. Así, ten un convenio asinado coa Asociación de Autónomos de Galicia-AUGA, para o fomento do emprendemento e da actividade empresarial na provincia; outro convenio asinado coa Asociación de Mulleres Empresarias da provincia, que permitiu a creación do 1º Banco de Tempo Empresarial de mulleres de Galicia, unha plataforma online de apoio e asesoramento integral que favorece a estratexia empresarial feminina; ou o convenio con Fademur, a Federación de Asociación de Mulleres Rurais de Galicia, que potenciará a incorporación das mulleres do rural ó autoemprego e ás novas tecnoloxías.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
