Lugo, 26 de agosto de 2014.- A área de Cultura da Deputación de Lugo e a Asociación ecoloxista ADEGA convocan unha nova edición dos concursos de fotografía, relato e curtametraxes Cultura e Territorio. Para participar nestes certames, que xa chegan á súa cuarta edición, poderán presentarse os orixinais até o 1 de novembro.
O delegado da Área de Cultura e Turismo da Deputación de Lugo, o nacionalista Mario Outeiro, explica que o obxectivo destes concursos é “sensibilizar á poboación lucense sobre o grande valor natural, patrimonial e paisaxístico que temos en Galiza, sobre a necesidade de coidar o noso medio ambiente e o noso territorio e facer partícipe á cidadanía nese coidado”. Ao mesmo tempo, esta iniciativa busca que os propios cidadáns se impliquen na denuncia, mediante fotografías ou vídeos, daquelas agresións ao medioambiente e ao patrimonio na provincia de Lugo.
A área de Cultura da Deputación financia estes certames, que se complementan coa celebración a partir do comezo do vindeiro curso escolar no mes de setembro de 15 charlas-obradoiro noutros tantos centros educativos de ensino de primaria da provincia de Lugo co obxectivo de “transmitir estes valores de coidado e respecto ao medio ambiente ás xeracións máis novas”. “O futuro da nosa terra e da nosa cultura está en mans das xeracións agora máis novas, polo que resulta fundamental implicalos dende cativos a través da educación e a divulgación”, defende Mario Outeiro. Os 15 centros de ensino que acollerán estas charlas-obradoiro representan as diferentes realidades naturais e territoriais da provincia de Lugo: A Mariña, a montaña, o rural e o medio urbano.
Reivindicación dunha explotación sustentable do territorio
ADEGA e a Deputación convocan por cuarto ano estes concursos, co gallo de ofrecer de novo á sociedade galega unha oportunidade de retratar o estado actual do noso territorio a través da imaxe e da palabra. Por cuarto ano consecutivo, os certames pretenden facer partícipe a cidadanía galega na reivindicación dunha ordenación territorial sustentábel na que se freen as ansias especulativas sobre o territorio e na que se propoñan alternativas máis coherentes coa defensa ambiental, coa cohesión social e coa posta en valor do noso patrimonio cultural.
Mario Outeiro animou á participación nesta nova edición destes certames, que o ano pasado superaron as expectativas acadando 68 fotografías, 65 relatos e 11 curtametraxes.
IV Concurso “Fotografías polo Territorio”
As fotografías deberán ter como obxecto mostrar os efectos de actividades humanas que supoñen unha agresión ao noso país xa sexa contra o patrimonio, a cultura, a paisaxe ou a identidade territorial. Tamén se poden enviar fotografías que amosen exemplos de posta en valor do territorio.
Establécense dúas categorías de participación: a xuvenil, ata os 16 anos, e a de adultos/as, para maiores de 16 anos. Os premios son: 1º Categoría Adulta; Diploma e 200 euros. 1º Categoría Xuvenil; Diploma e 150 euros.
Cada participante poderá presentar como máximo un total de 4 fotografías cos seus datos persoais e a localización xeográfica das imaxes, que poderán ser enviadas a ADEGA a través do e-mail: culturaeterritorio@adega.info. O prazo para presentar as fotografías remata o día 1 de novembro do 2014.
IV Concurso de relatos “O lugar onde vivo”
Os relatos curtos poderán ser historias fantásticas, feitos reais ou experiencias propias sempre e cando o eixe do relato xire arredor das visións que a poboación galega ten sobre o lugar no que vive; como é, como foi, como quixeramos que fose, a importancia da súa conservación, as agresións sufridas polo mesmo, etc.
Establécense dúas categorías de participación: a xuvenil, ata os 16 anos, e a de adultos/as, para maiores de 16 anos. Os premios son: 1º Categoría Adulta; Diploma e 250 euros. 1º Categoría Xuvenil; Diploma e 200 euros.
Cada participante poderá presentar un máximo de 2 relatos inéditos en lingua galega, que terá que enviar por correo postal ao enderezo de ADEGA-Lugo (Ronda das Fontiñas 180, Entrechán, 27002 Lugo) ou a través do e-mail: culturaeterritorio@adega.info. O prazo límite de presentación das obras remata o día 1 de novembro de 2014.
III Concurso de curtametraxes “E ti que é o que ves?”
As curtametraxes de ficción, documentais ou animación deberán dar mostra de exemplos de posta en valor da nosa cultura e territorio e/ou denunciar aquelas actuacións que agreden os mesmos. Cada participante poderá presentar un máximo de 4 creacións audiovisuais, que terá que enviar, en formato DVD, por correo postal ao enderezo de ADEGA-Lugo (Ronda das Fontiñas nº 180 Entrechán, 27002, Lugo). Tamén poderá subir as obras a algunha plataforma de intercambio de arquivos, (tipo Dropbox,….) e enviar a ligazón de descarga ao email: culturaeterritorio@adega.info
Establécese unha única categoría para este concurso e dous premios: 1º Premio; Diploma e 250 euros, 2º Premio; Diploma e 150 euros. O prazo límite de presentación dos traballos remata o día 1 de novembro de 2014.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
