Ribadeo, 28 de agosto de 2014.- O Grupo de apoio a AGE de Ribadeo sobre a súa alegación ao Plan Especial de Protección e Reforma Interior do Conxunto Histórico de Ribadeo.
Tendo constancia da existencia de graves erros na documentación do PEPRICH de Ribadeo elaborado pola empresa EPTISA, o Grupo de apoio a AGE de Ribadeo presentou o pasado mes unha alegación nas oficinas do Concello.
Na mesma se describen erros tan importantes como que edificios construídos fai máis de dez anos non aparecen nos planos, que tampouco reflicten varias obras e reformas finalizadas, presentan erros nas alineacións de rúas e mesmo na representación de edificios tan emblemáticos como a Torre dos Moreno ou o propio Pazo de Ibáñez, sede da Casa do Concello.
Estes erros, lonxe de ser anecdóticos, poden traer graves prexuízos para os veciños, problemas administrativos á hora de concesión de licenzas, operacións de compra-venta e outras, xunto con demoras e gastos innecesarios.
Por todo iso, desde o Grupo de Apoio a AGE solicítase a devolución da documentación á empresa redactora para a súa corrección, e ao tempo a retención de calquera pagamento que deba facerse en tanto a mesma non teña lugar.
Texto completo da alegación presentada
Sr. Alcalde do Concello de Ribadeo
O Grupo de Apoio á Alternativa Galega de Esquerdas de Ribadeo presenta a seguinte ALEGACION ou SUXERENCIA ao PEPRICH de Ribadeo sometido a exposición pública entre o 9 de Maio e o 9 de Xullo.
1.- Tendo en conta que varias persoas afectadas polo devandito PEPRICH recibiron as notificacions personais do Concello en dias recentes, entendemos que para ditas persoas o prazo de exposición debe completar os dous meses dende a recepción da comunicación.
2.- Dado que esta petición non vai causar nengún retraso nen trastorno administrativo solicitamos que esta alegación sexa admitida a trámite dentro do prazo aplicable aos devanditos veciños.
3.- Diante dos graves erros detectados no documento do PEPRICH aprobado inicialmente polo Concello de Ribadeo, que afectan de xeito xeralizado a numerosos aspectos dos que suliñaremos a falla dalgúns edificios construidos hai mais de dez anos, ampliacions e reformas, erros nas alineacions, e mesmo na Torre de Os Moreno e na casa do Concello de Ribadeo e sendo coñecedores de que estes erros son unha mínima parte dos que realmente existen no proxecto e con toda seguridade son descoñocidos pola gran maioría dos veciños, propoñemos que o expediente sexa devolto á empresa redactora para que corrixa urxentemente os erros que son da sua única responsabilidade e o plan sexa sometido a un novo periodo de exposición pública no prazo mais breve posible.
4.- Entendemos que no caso de non correxir agora estes erros por parte da empresa redactora, como dixemos antes moitos deles descoñecidos polos afectados, poden darse unha serie de situacions gravemente lesivas para os veciños, problemas administrativos á hora de concesión de licenzas, operacións de compra-venta e outras, xunto con retrasos e gastos innecesarios.
5.- Dado que a gran maioría dos erros son responsabilidade da empresa redactora, sen entrar agora en nengún tipo de valoracións, entendemos que amosa unha actitude absolutamente incompresibel e propoñemos que se aplace ou conxele calquer pago que haxa pendente no momento actual.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
