Lugo, 15 de setembro de 2014. O vicepresidente da Deputación de Lugo e responsábel das áreas de Benestar e Deporte, o nacionalista Antonio Veiga, participou esta tarde na presentación da decimosexta edición da carreira popular Concello de Viveiro-Memorial Julián Bernal, que se desenvolverá a próxima fin de semana na cidade do Landro e que este ano tamén servirá de homenaxe á atleta lucense Alessandra Aguilar. Os organizadores esperan contar con máis de 450 atletas –máis de 200 nas categorías inferiores e uns 200 na proba absoluta- chegados desde todos os puntos de Galiza e do resto do Estado.
A proba, organizada polo Club Deportivo Egovarros e o Concello de Viveiro, en colaboración coa institución provincial, terá a súa primeira cita o sábado. Será a quenda para os máis pequenos da casa, que competirán nun circuíto instalado nas inmediacións do pavillón Municipal. Participarán un total de nove categorías, desde os biberón (de 0 a 3 anos) ata as rapazas cadetes, e as carreiras darán comezo ás cinco da tarde.
A quenda para os maiores será un día despois, coa proba absoluta, na que tomarán parte cadetes –só os masculinos-, xuvenís, séniors e veteranos. A liña de saída e chegada estará tamén situada no pavillón Municipal e os atletas deberán darlle dúas voltas a un circuíto que discorrerá polo paseo marítimo da cidade do Landro, con xiros na cruz vermella e en Sacido, e pola praia de Covas. Serán un total de 13 quilómetros. A saída darase ás 11.30 horas e ao final da proba haberá unha pinchada para os participantes e os seus acompañantes.
Homenaxe a Alessandra Aguilar
O Club Deportivo Egovarros de Viveiro quixo dedicarlle esta decimosexta edición á atleta luguesa Alessandra Aguilar. “Cremos que agora mesmo é a atleta máis representativa que temos en Galiza. É de Lugo e, ademais, seu pai leva moitos anos correndo con nós. Comentámoslle a posibilidade e estiveron encantados. Esperamos poder contar coa súa presenza o domingo, pero aínda non é seguro que se achegue porque está recuperándose dunha lesión”, sinalou Paco Rodríguez, presidente do club viveirense.
Apoio ás carreiras populares
O vicepresidente da Deputación e responsábel de Benestar e Deportes, o nacionalista Antonio Veiga, subliñou o apoio da área que dirixe “coas carreiras populares e o deporte afeccionado, xa que ademais de colaborar con esta de Viveiro tamén o facemos con outras na Mariña como a media-marathon das Catedrais, a subida a Santa Cruz ou a carreira popular Val das Fabas”, sinalou Veiga.
En canto á carreira de Viveiro, o nacionalista destacou que “está plenamente consolidada e é xa unha das máis importantes que temos Galiza, gracias ao pulo que lle deu desde os seus comezos o Club Deportivo Egovarros, unha entidade exemplar na Mariña polo seu traballo a prol do atletismo”, concluíu.
Premios e inscrición
A organización repartirá 450 euros en premios. Os tres mellores da proba absoluta, tanto na categoría feminina como na masculina, recibirán 100, 75 e 50 euros, respectivamente. Mentres, os tres primeiros de todas as categorías tamén serán obsequiados cun trofeo.
Aqueles que aínda non se anotaron poden facelo ata este xoves no teléfono 982 598 160 ou no enderezo electrónico egovarros@gmail.com. A inscrición é gratuíta, aínda que todos os participantes, tanto grandes coma pequenos, deberán entregar cando recollan o dorsal un alimento non perecedoiro que se lle entregará ao Banco de Alimentos de Viveiro. “Recalcáronnos que prefiren que sexan obxectos de hixiene persoal [xeles, champús, cepillos de dentes,…], xa que o que máis precisan no banco agora mesmo”, apuntou Rodríguez.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
