O IES Monte Castelo de Burela recibiu, durante a este mércores 17, a visita de Juanma, Miguel e Jorge Bellvert, secretario técnico e xogadores do Burela Pescados Rubén, respectivamente. Os deportistas laranxas ofreceron unha charla aos alumnos de 3º E.S.O. sobre “Deporte, saúde e hábitos saudables” na que o alumnado puido coñecer de primeira man a opinión dos xogadores sobre a relación directa entre a práctica deportiva e a saúde. A importancia de adquirir hábitos saudables e rutinas de adestramento que con constancia e sacrificio terminan converténdose nunha filosofía de vida que ten especial incidencia na saúde e benestar das persoas. É por iso que, ademais de relatar a súa propia experiencia, os xogadores recomendaron e fomentaron a práctica deportiva aos novos asistentes como forma de vida saudable.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
