Derrota do Burela Pescados Rubén no Palau Blaugrana por 5-2 nun choque no que os bureleses volveron ofrecer unha gran imaxe. A escadra mariñá plantou cara ao campión de Europa, sobre todo no primeiro periodo no que bloqueou o potencial blaugrana e esixiu a Cristian o seu mellor nivel baixo paus. Debut do canteirán burelés de 16 anos, Renato Lopes, no templo blaugrana.
Na primeira parte o campión de Europa saltou coas pilas postas ante un Burela Pescados Rubén que encaixou un 2-0 aos cinco minutos. Primeiro Batería e pouco despois Sergio Lozano, tras un corner, dinamitaron a meta defendida por Edu, que xa sumaba varias intervencións meritorias, con senllos latigazos que presaxiaban un encontro cómodo para os cataláns. Juanlu Alonso solicitou un tempo morto que cambiou a dinámica do partido e os bureleses comezaron a afianzarse en defensa e xerar perigo ao contragolpe. Así chegou o 2-1 logrado por Antoñito que definiu perfectamente ante Cristian.
O tanto reforzou a moral dos mariñaos que cunha defensa solidaria e con boas axudas afogou ao Barça. Os laranxas comezaron a crear perigo e Cristian se erixiuse en protagonista salvando o empate en varias ocasións e a madeira repeleu os disparos de Isi e Matamoros. Roldaba a igualada o Burela Pescados Rubén que chegou por mediación de Miguel tras executar con tranquilidade un fulgurante contragolpe. O 2-2 propiciou que os blaugrana se atascaran aínda máis e os bureleses eran os que xeraban maior perigo aínda que ao descanso chegouse o 2-2.
Na continuación, o Barça volveu tomar a iniciativa e Matamoros foi expulsado por vermella directa por unha dura entrada sobre Wilde, quedando o Burela Pescados Rubén en inferioridade. Ante esta concesión, os cataláns non perdoaron e cambiaron o panorama do choque en apenas un minuto. Aicardo marcou en superioridade o 3-2 e acto seguido Sergio Lozano aumentou a renda (4-2) tras un roubo e finalización clásica do Búfalo que fusilou a Edu. O Barça adueñouse do partido e Edu aumentou a súa cota de protagonismo mitigando o vendaval do campión do Europa. Os laranxas acusaron o golpe aínda que mantiveron o tipo e buscaron algunha contra para meterse no encontro pero os blaugranas non querían máis sorpresas e Sergio Lozano completou o seu hat-trick, noutra acción de estratexia, e fixo o 5-2 definitivo a seis minutos do final. Nestes minutos o máis destacado foi o debut de Renato que tivo tempo para deixar o seu selo de calidade na pista.
Ficha técnica
Burela Pescados Rubén: Jorge Bellvert, Isi, Matamoros, Miguel –cinco inicial- Antoñito, Iago Míguez, Helder, Carlitos.
FC Barcelona: Cristian, Lin, Batería, Saad, Wilde –cinco inicial- Aicardo,Dyego, Sergio Lozano, Rafa Usín, Ferrao.
Goles: 1-0, m. 3, Batería; 2-0, m.5, Sergio Lozano; 2-1, m.6, Antoñito; 2-2, m.11, Miguel; 3-2, m.22, Aicardo; 4-2, m.23, Sergio Lozano; 5-2, m.35, Sergio Lozano.
Árbitros: Díaz Rodríguez, García Hernández. Cartón amarelo a Edu e Miguel e vermello directo a Matamoros, do Burela Pescados Rubén.
Incidencias: Partido correspondente á segunda xornada de Primeira División da Liga Nacional de Fútbol Sala, disputado no Palau Blaugrana.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
