Lugo, 25 de setembro de 2014. O delegado de Cultura e Turismo da Deputación de Lugo, o nacionalista Mario Outeiro, participou este xoves na presentación dun novo curso da UNED Senior, que comezará as súas clases o vindeiro 15 de outubro. “O Padroado da UNED de Lugo presenta á cidadanía lucense o proxecto UNED Senior, un programa formativo que inclúe temas de actualidade e estratexias de desenvolvemento persoal para as persoas de máis de 55 anos”, salientou Outeiro. Acompañouno na presentación Ana Belén Traseira, secretaría do centro asociado á UNED de Lugo.
A UNED Senior é unha ferramenta que lle ofrece seguir formándose ao mencionado grupo de idade nun espazo universitario propio, que lles serve para intercambiar coñecementos e experiencias, así como acceder ás Tecnoloxías da Información e da Comunicación e recibir unha orientación personalizada. Asemade, nesta Universidade para Maiores de Lugo búscase “ofertar formación en temáticas interesantes e funcionais para estas persoas, co fin de mellorar a súa calidade de vida e de proporcionarlle ao alumnado coñecementos, aprendizaxes e estratexias para o desenvolvemento integral e a autonomía persoal, así como favorecer a comunicación a través das relacións interpersoais. É un encontro interxeracional e, por suposto, serve para mellorar o coñecemento da contorna cultural por parte dos nosos maiores”, explicou Mario Outeiro.
Tres materias no primeiro semestre
O curso, no seu primeiro semestre, desenvolverase desde este vindeiro 15 de outubro ao 15 de febreiro do 2015 e contará con tres materias. As clases de Tertulias literarias celebraranse os xoves, das cinco ás sete da tarde, e Alfredo Torres Bouza será o profesor. As de Entrenamento da memoria serán impartidas por Jaime Álvarez Vilariño todos os mércores, tamén das cinco as sete da tarde, e, finalmente, as sesións de Introdución ao dereito e á ciencia política terán como profesora a Rosa María Ricoy Casas e levaranse a cabo os luns, das 16 ás 18 horas. As materias impartiranse no centro asociado á UNED de Lugo, que se atopa no edificio FORCAM, na rúa Cantigas e Frores, número 31.
Matrícula e prezo
O prazo de matrícula permanecerá aberto ata o 15 de outubro, aínda que se podería pechar antes se se completan todas as prazas dispoñibles. Os interesados deberán aboar 45 euros por materia nunha conta de Abanca indicando o nome do estudante e, como asunto, UNED Senior. A matrícula pódese realizar por internet nesta dirección http://extension.uned.es/actividad/idactividad/7874, ou de xeito presencial cubrindo o formulario que está dispoñible na web, no centro asociado e en diversos centros de maiores, e entregándoo posteriormente no centro da UNED de Lugo, xunto co resgardo de ter pagada a matrícula.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
