Cervo, 16 de outubro de 2014- A corporación local celebra este xoves o pleno máis importante do ano, no que se debaterán os orzamentos para 2015, que ascenden a 5,2 millóns de euros, un 2% máis que o exercicio corrente. Uns presupostos nos que, por terceiro ano consecutivo non subirán os impostos, tal e como prometera o goberno local no 2012, mentres se manterán os servizos coa mesma calidade.
Ao mesmo tempo, cabe destacar a baixada do endebedamento. O caso máis rechamante é o da débeda a provedores, que pasa dos 2,1 millóns de euros que había no 1999 aos cero euros na actualidade. Desta maneira, o goberno local conseguiu eliminar a débeda coas empresas, pagándolles ao día. En canto á débeda cos bancos, reduciuse de forma considerable, pasando dos 3,7 millóns do ano 99 aos 2,6 do 2014 e que ao remate de 2015 situarase nos 2 millóns.
Entre as partidas dos orzamentos cabe destacar o investimento en creación e fomento de emprego, que ascende a 522.000 euros, dos cales 190.000 euros son para accións pioneiras para a xuventude, como é o caso do programa de formación dual e das prácticas remuneradas para titulados. En canto a outra das áreas estratéxicas, os servizos sociais, destinaranse 237.500 euros.
O esforzo inversor tamén crece para o ano 2015, destinando 310.000 euros a investimentos reais, un 30,5% máis que no exercicio actual. Aínda así, o volume total de investimentos será moito maior, xa que nese importe non se contemplan as subvencións que concederán outras administracións. Ao mesmo tempo, o Concello manterá as axudas que outorga todos os anos aos diferentes colectivos: educativos, deportivos, culturais, veciñais, ás familias…
Unhas cifras “moi positivas” para a edil de Facenda, Yolanda Pedreira, que asegura que medidas como “a non subida de impostos, a redución da débeda ou o investimento en áreas clave son posibles a través dunha xestión responsable dos cartos dos veciños e a un compromiso cos servizos públicos de calidade”.
Ademais, no pleno tamén se abordará a reparación do saneamento de Figuerido, que custará 58.000 euros e que se financiará con fondos do remanente de tesourería de 2013, que só se poden destinar a investimentos que impliquen un aforro económico prolongado no tempo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
