A Mariña, 21 de outubro de 2014.- O BNG mariñao demandou a inmediata dimisión da Delegada Territorial da Consellaría de Educación despois do descrédito, a persecución e a incapacidade demostrada na xestión do conflito pola falta dun profesor no IES Vilar Ponte de Viveiro, así como nos outros centros de ensino da comarca onde seguen sen completarse os cadros de profesorado necesarios para manter un ensino público de calidade.
A organización nacionalista na Mariña acusou ao Partido Popular de ser responsábel do nomeamento dunha Delegada Territorial de Ensino, incapaz e incompetente para solucionar os problemas xerados no Vilar Ponte despois de incumprir os propios compromisos para dotar este centro do docente número 43, e mesmo de incumprir a legalidade vixente co nomeamento dunha directora a dedo que a comunidade escolar non aceptou. O BNG fixo fincapé en que os recortes orzamentarios para dotar de profesorado e medios aos centros de ensino da comarca están detrás dunha política deseñada polo Partido Popular para degradar o ensino público en beneficio do privado.
Á vista da marcha atrás da Consellaría no nomeamento a dedo e incumprindo a lexislación da directora, á vista da incapacidade, da persecución sobre a comunidade educativa, e do descrédito pola nefasta xestión deste e doutros problemas nos centros de ensino da comarca, a formación nacionalista reclama a súa dimisión ou o cese inmediato do seu cargo da Xefa territorial, Mariña Gueimunde.
Non pode ser, afirman desde o BNG, que a Consellaría de Educación e os seu cadros directivos se dediquen a deteriorar a calidade do ensino público, perseguir e criminalizar ás ANPAS, e dinamitar a convivencia da comunidade educativa sen que isto teña consecuencias políticas en modo de dimisións dos seus responsábeis.
O BNG denunciou ademais que o nomeamento de Mariña Gueimunde á fronte da Xefatura Territorial de Ensino reponde moito mais á conveniencia política do Partido Popular para amañar así os seus conflitos internos que a criterios de idoneidade para ocupar o cargo, que á vista do sucedido non está capacitada para exercer.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
