Ribadeo, 24 de octubre de 2014. A Federación de Comercio da Mariña repartirá 25.000 euros en nove premios en vales de compra para consumir nos establecementos asociados ás Acias de Ribadeo, Xove, O Vicedo, Lourenzá, Mondoñedo, Foz, Viveiro, San Cibrao e Burela.
A campaña, que se desenvolverá entre o 28 de outubro e o 8 de decembro, foi presentada este venres en Ribadeo. O presidente da Federación de Comercio da Mariña, Ramón Leivas, explicou que “para participar no sorteo os interesados deberán facer as súas compras nos establecementos asociados de hostelería, comercio ou servizos. Alí seranlles entregadas as papeletas correspondentes, que irán numeradas, e que deberán incluír o selo da tenda participante”.
O sorteo dos 25.000 euros en nove premios en vales de compra terá lugar ante notario o 9 de decembro. E os afortunados ou afortunadas deberán consumir os seus aguinaldos, entre o 15 e o 24 de decembro.
Leivas incidiu en que “é moi importante que todos os clientes dos nosos establecementos garden as súas papeletas. Os números extraídos no sorteo ante notario faranse públicos nos medios de comunicación da zona e tamén nas redes sociais da Federación de Comercio da Mariña e das nove Acias participantes”.
O presidente da Federación de Comercio da Mariña subliñou que “cada Acia fará entrega dun premio, que deberá ser consumido nos seus locais asociados”.
Ramón Leivas dixo que se trata dun premio “moi importante, que poderemos poñer en xogo grazas a que contamos con esta Federación e a sentirnos todos asociados e unidos, porque individualmente falar desta cantidade sería practicamente imposible. Esperamos poder facer todos os anos algo espectacular”. O presidente da Federación de Comercio da Mariña considera que “isto deben telo en consideración tanto a Xunta como a Deputación porque todos unidos poderemos conseguir e facer moitas máis cousas. Contamos coas dúas administracións para que nos axuden nos temas que podamos suscitarlles”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
