Santiago, 13 de novembro de 2014.- O presidente do Goberno galego, Alberto Núñez Feijóo, avanzou este xoves, tras o Consello da Xunta, a posta en marcha dun plan de actuacións para reforzar o control e a loita contra a venda de produtos agroalimentarios sen etiquetar. Durante a rolda de prensa, Feijóo precisou que esta nova iniciativa fai especial fincapé na situación específica en produtos tan importantes para Galicia como son o viño, as bebidas espirituosas, os queixos e os meles.
Así, o plan propón unha serie de medidas nas que estarán implicados de xeito coordinado varios departamentos: a Consellería de Sanidade, “dado que é un un asunto que afecta á saúde pública”, explicou Feijóo; a Consellería do Medio Rural e do Mar, “porque ten por obxectivo a loita contra a fraude alimentaria”; a Consellería de Economía e Industria, “porque ten que defender os dereitos dos consumidores”; a Axencia Turismo de Galicia, “porque lle afecta ás súas competencias e á imaxe de Galicia no exterior cando se consumen produtos sen etiquetar dicindo que son galegos e non sabendo de onde son”; e por último, dixo Feijóo, á Vicepresidencia, “polas súas atribucións en materia de Administración local e de Policía”.
Entre as principais medidas, o presidente autonómico destacou a realización dunha campaña de información aos consumidores, o apoio a feiras e eventos que respecten a legalidade, ou o apoio aos concellos no control de feiras e furanchos. As campañas de control de produto sen etiquetar en establecementos retallistas e de hostalería e a creación dun portelo único de interlocución cos consellos reguladores, no que estes poidan presentar as súas denuncias, son outras medidas que adiantou o responsable do Goberno galego e que tamén están incluídas no plan.
“Unha das medidas será ofrecer aos concellos os servizos de inspección da Xunta, para facilitar o labor de control en feiras e furanchos”, incidiu Feijóo, remarcando que tamén se vai levar a cabo unha campaña de control de produtos lácteos elaborados baixo a normativa de produtos lácteos tradicionais; que se creará un portelo único para recibir denuncias que realicen os consellos reguladores dos viños, dos queixos e dos meles; e que haberá unha campaña de control de produtos sen etiquetar, tamén, na hostalería”.
“En definitiva, agora calquera persoa pode denunciar ante a Xunta o incumprimento da normativa de etiquetaxe”, aseverou Feijóo, subliñando que, sen ningunha dúbida e visto o volume detectado recentemente na presunta fraude de licores e augardentes procedentes de Portugal, “se acredita que estamos ante unha cuestión non menor, e de que estamos ante unha cuestión na que temos que protexernos porque os únicos prexudicados son os que cumpren as leis no ámbito da agroindustria galega”, sentenciou.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
