A Mariña, 18 de novembro de 2014.- O Partido Popular levará aos plenos municipais dos concellos de Viveiro, Xove, Cervo, O Vicedo, Ourol e Burela, unha moción para reprobar as afirmacións efectuadas polo voceiro socialista do Territorio, Xose Sánchez Bugallom contrario a que a Xunta invista na obra do corredor entre Celeiro e San Ciprián.
Os populares lembran que no último debate en Comisión sobre os orzamentos da Consellería de Medio Ambiente, Territorio e Infraestruturas, o parlamentario socialista considerou “chamativa” a alta inversión que a Xunta destinará a obras nos corredores da provincia de Lugo, tanto na zona sur (corredor Sarria-Monforte), como na zona norte (corredor Celerio-San Ciprián).
Por si isto fora pouco o deputado socialista evidencia non compartir, nin entender que a Xunta aposte por rematar os corredores lucenses e non o do Morrazo, en Pontevedra, para quen esixiu máis atención, priorizando alí os investimentos da Xunta.
Os populares pedirán que estas seis Corporacións aproben un acordo de apoio inequívoco aos investimentos previstos pola Xunta de Galicia, nos orzamentos de 2015, para o remate das obras neste tramo do corredor, e incluirán un segundo punto, reprobando as manifestacións efectuadas polo socialista Sánchez Bugallo.
A idea dos populares é que os respectivos concellos insten á Xunta a que desoia as propostas do PSOE para priorizar o corredor do Morrazo fronte ao remate do corredor Celeiro – San Ciprían e do corredor entre Sarria e Monforte.
“O PSOE na Mariña critica os investimentos da Xunta por insuficientes, mentres no Parlamento os seus compañeiros cuestionan o elevado gasto que a Xunta achega para o noso corredor (case 10 millóns de euros) porque a xuízo do PSOE debería ir a outras zonas de Galicia. Non hai quen lles entenda”- conclúen desde o PP.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
