Maceda (Ourense) acolleu este domingo 16 de novembro a última proba desta temporada da Liga Galega da Moto de Campo na que competiron os dous pilotos do Enduro Team Galipizza&Cía, Santi Chao -Veteranos PRO 4T- e Manuel Grandío -en Open 2T-.
O día presentabase complicado debido á grande cantidade de auga caída nos días anteriores e mesmo no día da proba, o que facía que todo o monte acumulase gran cantidade de auga, e se rompera moito o terreo en todo o seu percorrido e, sobretodo, nos tramos cronometrados.
Ó final unha pequena avería mecánica apartaba a Manuel dos postos dianteiros; pero era capaz de acabar a proba nun sétimo posto.
Pola súa parte, Santi rodou toda a xornada nos postos de cabeza, e aínda que os tempos das cronos o situaban no terceiro posto do caixón, unha penalización de 2 minutos no último sector, facíanlle perder un posto e acababa a proba en cuarto posto.
Con esta carreira o equipo pon punto final a temporada 2014, no que acadaron postos altos en moitas das probas; pero que as lesións no caso de Santi e a mala sorte coas avarías no caso de Manuel fan que se alonxaran dos postos dianteiros da clasificación xeral do campionato.
Aínda con todo isto o equipo valora a tempada de maneira moi positiva; xa que estiveron situados a moi alto nivel en moitas probas, algunhas delas con gran renome internacional como foi a Extreme Porto Lagares 2014.
“Só queda agradecer o gran apoio prestado polo grupo GALIPIZZA&CÍA que fixo que todo isto fora posible, co seu apoio incondicional a este deporte que cada día conta con máis adeptos dentro do noso concello. Así mesmo, agradecer tamén a adhesivosembarrados.com e máis a Asociación Viveiro Enduro.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
