Burela, 21 de novembro de 2014.- Burela celebra a Semana Europea da Prevención de Residuos, que terá lugar do 24 ao 30 de novembro. A Concellería de Mar e Medio Ambiente organiza unha serie de actividades articuladas en torno ás tres R´s medio ambientais: redución de lixo, reutilización de produtos e reciclaxe de materiais. Os actos comezarán o luns 24 coa celebración dunha mesa informativa no supermercado Eroski. Xa o martes, esa mesma mesa repetirase no supermercado Froiz e o mércores os alumnos do Ceip Virxe do Carme participarán na proxección dun vídeo sobre compostaxe. O xoves, día 27, varios técnicos de Sogama ofrecerán un coloquio sobre esta mesma materia no Salón de Conferencias da Antiga Biblioteca. E para rematar, o venres, día 28, os alumnos do Ceip Vista Alegre participarán na actividade A compostaxe chega aos alumnos.
Dende a Concellería de Medio Ambiente de Burela informan que a Semana Europea da Prevención é un proxecto que se organiza co obxectivo básico de sensibilizar e conseguir a gradual redución das inxentes cantidades de residuos que se producen no conxunto da Unión Europea. Esta celebración busca a realización de accións que aborden dende a concepción do produto, ata a súa reutilización e sensibilización para reducir o exceso de lixo.
Para colaborar con esta campaña a Concellería de Medio Ambiente de Burela organiza un programa de actos que comezará o vindeiro luns, 24 de novembro, coa celebración da mesa informativa Diminución dos residuos e a caducidade dos produtos. Este acto levarase a cabo entre as 10 e as 13 horas no supermercado Eroski, e nel intervirán dúas monitoras do Centro Gaia como conferenciantes. Esta mesma mesa repetirase o martes 25 no supermercado Froiz no mesmo horario e coas mesmas poñentes. Xa o mércores 26, os actos pasan a estar enfocados á concienciación dos máis pequenos coa posta en marcha da actividade A compostaxe chega aos alumnos. Nela, varias monitoras de Gaia explicarán aos alumnos de 3º e 4º curso do Ceip Virxe do Carme e aos usuarios da Fundación Eu Son, a través da visualización dun documental sobre compostaxe, en que consiste esta técnica de reciclaxe e cales son os seus beneficios. Esta mesma actividade repetirase xa o venres 28 no Ceip Vista Alegre, entre os alumnos de 1º e 2º curso de primaria. Entre tanto, o xoves 27, haberá unha charla coloquio ás 19 horas no Salón de Conferencias da Antiga Biblioteca de Burela. A actividade estará aberta a tódolos públicos e contará coa presenza de varios técnicos de Sogama, que acudirán ao municipio para explicar en que consiste o programa de compostaxe promovido por Sogama, en colaboración co Concello de Burela, no que xa participan a día de hoxe un total de 54 familias.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
