Un equipo de 57 traballadores dará formación e asesoramento especializado no campo das novas tecnoloxías nos 48 Concellos de todas as cores políticas que decidiron sumarse ao programa InnovaTE da Deputación. Con este novo servizo, que dará comezo o día 9 de decembro, o organismo provincial responde á demanda que lle trasladaron os propios Concellos, logo do éxito da primeira fase do proxecto, de seguir fomentando o uso da Administración electrónica e as novas tecnoloxías nos municipios.
A Deputación de Lugo reforza, a través do plan InnovaTE2, o equipo de cinco técnicos que prestou servizos na primeira. Agora serán 57 os dinamizadores sociotecnolóxicos, que non só estarán a disposición dos propios Concellos, senón que tamén desenvolverán actividades dirixidas aos veciños en xeral. O obxectivo final é potenciar o uso das novas tecnoloxías e amosar aos lucenses de todas as idades como aproveitar ao máximo todas as posibilidades que as TIC ofrecen a nivel persoal e laboral.
Estes 57 dinamizadores comezarán a súa actividade o día 9 de decembro e continuarán ata o mes de marzo. Entre as actuacións que durante ese tempo porán en marcha destacan:
– Un plan de formación de 576 cursos (12 por Concello) para os empregados municipais sobre temas como os trámites electrónicos, antivirus, ferramentas web, xestión de portais web, formación xurídica relacionada coas novas tecnoloxías ou posta en marcha de sedes electrónicas.
– Colaboración directa cos Concellos para resolver posibles incidencias nos equipos informáticos ou da rede.
– Organización de xornadas divulgativas e de sensibilización, que chegarán a unhas 5.000 persoas e abordarán cuestións como o uso da administración electrónica, o comercio a través da Internet ou a navegación segura pola Rede.
Maiores Sempre en activo
Sempre en activo é outra das iniciativas que a Deputación porá en marcha na provincia a vindeira semana, neste caso dirixida aos lucenses de máis idade.
Para isto, outros 76 dinamizadores serán os encargados de promocionar o uso das TIC entre os lucenses maiores de 55 anos de todos os Concellos da provincia, tal e como a institución provincial está a facer dende hai tempo, a través da Fundación TIC, ofrecendo actividades relacionadas coas novas tecnoloxías e a comunicación no Centro de Innovación Social InLugo.
Este equipo de profesionais desenvolverá diferentes actividades especialmente programadas para que as persoas maiores aumenten a súa autonomía e melloren as súas capacidades cognitivas e funcionais. Deste xeito, a Deputación continúa co seu compromiso de corrixir as desigualdades entre todos os lucenses, con independencia de factores como o lugar onde vivan, a súa idade ou as súas capacidades, para que poidan acceder ao maior número posible de actividades e recursos relacionados coas novas tecnolóxías, contribuíndo á comunicación e ao intercambio de ideas como mecanismos para aumentar a calidade de vida.
As actividades realizaranse de xeito individual ou colectivo, tanto en centros socioculturais, como nos propios fogares dos usuarios, empregando para isto, diversos medios tecnolóxicos, como odenadores, dispositivos móbiles ou mesmo consolas de videoxogos.
Estes dous novos servizos están cofinanciados nun 80% por fondos europeos a través do Innova-TE2.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
