A Mariña, 20 de decembro de 2014. A deputada no Congreso polo BNG, Rosana Pérez, visitou este sábado A Mariña e mantivo un encontro con representantes dos principais sectores económicos da comarca.
No acto estiveron presentes representantes do sector pesqueiro, forestal, agrario, turístico, empresas de construcción civil, comerciantes e persoas autónomas, representantes sindicais, empresariais e do cadro de persoal da empresa Alcoa e auxiliares. Durante as dúas horas que durou o encontro, a representante do BNG no Congreso presentou as iniciativas e posicionamentos mantidos polo seu grupo a respecto de cuestións que entenden “fundamentais para o desenvolvemento e o futuro da comarca”.
Rosana Pérez sinalou que “a comarca de A Mariña ten a día de hoxe un déficit histórico en materia de infraestruturas que obedece a un deseño das mesmas feito obviando as necesidades económicas e sociais da comarca.” Referiuse igualmente a deputada á necesidade da apertura do dique norte de Morás”, defendida o mércores desta mesma semana polo BNG na comisión de fomento do Congreso e que obtivo os votos en contra do Partido Popular e a abstención do Partido Socialista. Para o BNG esta cuestión “é unha aposta estratéxica se queremos garantir futuro para a economía comarcal e diversificala cara a outros sectores que están a demandar esta cuestión.”
Tamén houbo tempo para debater sobre a necesidade de establecer unha tarifa eléctrica propia que, como país excedentario na xeración de enerxía, nos permita ter maior competitividade e beneficiar ao conxunto do sector industrial galego. Neste sentido, para o BNG é prioritario que “se garanta a continuidade dos postos de traballo que actualmente ten a empresa Alcoa en Galiza, pero iso non é incompatíbel con abrir outras posibilidades e apostar polo desenvolvemento integral dunha comarca que, afortunadamente, conta cunha diversificación e un dinamismo económico moi forte.” Tanto é así que representantes dos sectores pesqueiro e forestal sinalaron que o sector pesqueiro supón 1.600 empregos directos que se multiplican por cinco en terra e no caso do forestal nos últimos anos saíron da comarca 1 millón de toneladas de madeira que se poderían multiplicar no caso de contar cun porto da envergadura que ofrece o dique norte de Morás.
Ao longo do debate producido no acto, as persoas representantes dos sectores alí presentes manifestaron o seu apoio e a necesidade urxente de pór en marcha as medidas sinaladas pola deputada do BNG, incidindo en que apostar por esta comarca supón un compromiso claro por sacar adiante cuestións claves como a posta en marcha das infraestruturas por estrada (especialmente na parte central e occidental da comarca), pero tamén da rede ferroviaria; a apertura do dique norte, que beneficiaría a outros sectores como o forestal, facéndoos máis competitivos; ou a posta en marcha dun réxime tarifario que beneficie non só a grandes empresas consumidoras de enerxía, senón tamén ao tecido industrial en xeral e a persoas autónomas e familias.
Ao remate do acto, concluíuse tamén a necesidade de darlle continuidade ao traballo iniciado no acto de onte, adquirindo un compromiso claro na aposta polo desenvolvemento económico e en materia de emprego da comarca mariñá.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
