O grupo de Concelleiros Independentes de Foz, no pleno extraordinario celebrado este luns onde se incluía a aprobación dos presupostos para o ano 2015 finalmente abstivémonos tras non ser recollidas totalmente as emendas que propoñían solicitando que se habilitara unha partida presupostaria de 200.000,00 euros para a creación dun Plan de Emprego.
“Pedíamos que tiveran cabida os seguintes requisitos:
• Dar cobertura tanto a parados titulados como a parados sen ningunha titulación para así poder incluír no mesmo un técnico para facer o inventariado de camiños públicos, un técnico de guía turístico para o entorno da Basílica de San Martiño, ou calquera outra persoa titulada que poida ser necesaria para o desenvolvemento do noso Concello.
• Persoal para o correcto mantemento de limpeza do noso Concello podendo ser aproveitado para ter as nosas praias por Semana Santa xa nunhas condicións óptimas.
• Reparación e mantemento de edificios públicos tanto no casco urbano coma no medio rural”.
En canto a este Plan de Emprego, “o alcalde comprometeuse a levalo a pleno no vindeiro mes de Xaneiro tras unha modificación da partida de crédito de 165.000,00 Euros máis unha parte da partida de continxencia cun total aproximado de 200.000,00 euros para poder levalo a cabo entre outras peticións doutros grupos”.
O que si se incluíu foi a proposta de facer memorias valoradas do arranxo de camiños e rúas públicas, así como tamén crear unha mesa de contratación para a súa adxudicación formada por tódolos grupos políticos.
Neste mesmo pleno aprobouse por unanimidade unha moción que este grupo presentou onde instamos á Xunta de Galicia ó arranxo dun tramo da estrada LU-125 Ferreira-Foz ao seu paso por san Martiño onde se forma unha gran bolsa de auga debido as obras que alí se acometeron facendo este tramo sumamente perigoso para os viandantes.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
