Lugo, 8 de xaneiro de 2015. O vicepresidente da Deputación de Lugo, o nacionalista Antonio Veiga, participará este sábado en Cervo na presentación do libro de Paco Piñeiro ‘O valor do noso’, un volume que narra a historia da parroquia cervense de San Román de Vilaestrofe dende a época prerromana e cuxos 600 exemplares foron editados grazas a achega de 9.000 euros da Área de Cultura e Turismo do organismo provincial, que dirixe Mario Outeiro.
Esta publicación tamén serve para homenaxear a Manuel Candia López, un dos veciños que colaborou en moitos proxectos da súa vila natal pese a estar emigrado no sur da Arxentina. El foi quen doou os cartos para que se erguera a escola de Vilaestrofe, de cuxa construción se cumpriu un século o pasado 1 de xaneiro e que naquel tempo pasaba por ser a mellor escola da provincia de Lugo. Ás 16.30 horas, previamente á presentación do libro no pavillón de Cervo, que se desenvolverá dende ás 17.00 horas, descubrirase un busto en homenaxe a Manuel Candia fronte ao grupo escolar de San Román. O busto foi creado en bronce polo escultor e catedrático de debuxo valenciano Juan Puchades, afincando dende hai moitos anos en Mondoñedo.
Veiga salientou o traballo conxunto levado a cabo pola Asociación de Veciños de San Román de Vilaestrofe, os artífices de que este obra vexa a luz e se celebre a merecida homenaxe a Candia. “O propio nome desta iniciativa resume un orgullo colectivo polo que somos como pobo, por unha historia, unha cultura e unha lingua común que herdamos e temos a obriga de manter nas novas xeracións. Recuperar a historia de San Román é parte desa labor. A idea de publicar este libro partiu dun grupo de veciños de San Román de Vilaestrofe e contou coa colaboración activa do edil nacionalista Xoán Estua, polo que quero felicitar a todos os veciños e veciñas de San Román por este traballo en común”, indicou.
O vicepresidente da Deputación tamén gabou a figura de Manuel Candia. “Na súa mente xa estaba que no ensino está a base do futuro. Era o mellor agasallo que podía facer ao seu pobo e hoxe debemos seguir reivindicando e defendendo un ensino público e de calidade que chegue a todos os nenos e nenas por igual”, aseverou.
Veiga tamén recordou a importancia do traballo comunitario e dos emigrantes, xa que, por exemplo, fora outro indiano o que asumira os custos de construír a estrada que une a parroquia con Cervo. “Nestes tempos de individualismo desmedido é moi necesario lembrar iniciativas que noutro tempo aglutinaron a todos os veciños e veciñas a favor dun ben común”, concluíu.
Exhaustivo traballo de documentación
Neste volume ofrécese un exhaustivo traballo de documentación sobre a historia desta parroquia cervense, desde a época prerromana ata a actualidade. O autor, Paco Piñeiro, destacou “a riqueza cultural que ten San Román, xa que chegou a ser un centro punteiro no eido cultural, grazas á posta en marcha no século XX do centro cultural, o teleclub, e mesmo conseguiran premios a nivel estatal pola súa colaboración veciñal”, explicou.
Inauguración dunha mostra de 300 fotografías
O sábado pola tarde, ás 16 horas, tamén inaugurarán unha mostra formada por máis de 300 fotografías a tamaño grande, plastificadas e repartidas polo interior da escola. Alí tamén se proxectarán uns vídeos retrospectivos. O encargado de presentar todos estes actos será o xornalista Xulio Xiz.
*Foto de arquivo: durante unha reunión mantida o 3 de outubro no local social da Asociación de Veciños de San Román de Vilaestrofe.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
