Ribadeo 9 de xaneiro de 2015.- O presidente do Partido Popular de Ribadeo, Jesús López Penabad, resaltou este venres o forte compromiso que vén de poñer de manifesto a Xunta tras que no Consello celebrado onte se informase do inicio do proceso de información pública do anteproxecto de decreto do plan de conservación do monumento natural da Praia das Catedrais.
O presidente dos populares da localidade agradece esta medida, a que se referiu de “imprescindible” para conservar o principal atractivo turístico do municipio e así lograr compatibilizar a protección deste espazo singular co seu uso e goce por parte da poboación.
López Penabad agrade este instrumento que analiza os riscos e amezas e, polo tanto, regula o uso deste espazo. É dicir, a través de doce liñas de actuación busca preservar favorablemente no tempo e nos anos os valores ambientais deste enclave.
Deste xeito, a Xunta de Galicia está a responder de novo con feitos concretos a unha demanda de veciños e visitantes destinando unha importante dotación económica para lograr esta finalidade a desenvolver nos próximos dez anos.
O popular considera que se está ante un compromiso que se estende a todo o municipio, á comarca, á provincia e toda á comunidade xa que a praia das Catedrais é un dos principias atractivos naturais de Galicia. Ao mesmo tempo, Penabad contrapuxo esta actitude da Xunta de resposta ás demandas públicas ao esquecemento doutras administracións. Por exemplo, o presidente do PP local referiuse á Deputación que botou en contra de alegacións aos orzamentos dirixidas a mellorar os accesos á praias de Barreiros e As Catedrais.
Polo tanto, o presidente dos populares de Ribadeo concluíu ao asegurar de novo que se está ante unha serie de medidas, que se poderán complementar ou mellorar ao abrirse un período de información pública, e que buscan evitar a alteración do hábitat e protexer o futuro deste monumento.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
