O Burela FS Pescados Rubén recibirá 2015 este sábado ante a súa afección na xornada 17 coa visita do todopoderoso FC Barcelona coa atenta mirada das cámaras de TVG2 que seguirán o encontro en directo a partir das 20.00 horas.
O conxunto laranxa afronta con certo optimismo un novo reto dun complicadísimo calendario neste tramo inicial da segunda volta, trala visita ao Inter Movistar (5-0), ante un dos mellores equipos de Europa que ocupa a segunda praza da liga nestes momentos (40 puntos). “Na casa sempre fomos competitivos, en todos os partidos e con todos os rivais; cando se nos foron os puntos foi por marcadores axustados” explicaba o técnico burelista, Juanlu Alonso. “Nós non cambiamos a nosa actitude; chegamos coa intención de poñerlle as cousas difíciles a calquera e si mañá chegamos vivos aos últimos minutos poderemos ter opcións de sacar algo positivo” adiantaba o adestrador laranxa. Na primeira volta os cataláns impuxéronse 5-2.
No vestiario laranxa, á baixa do lesionado Miguel, súmase de novo Jorge Bellvert, que notou certas molestias na súa reaparición a semana pasada na pista do Inter Movistar. “Ambos xogadores están no súa última fase de recuperación; estamos desexando contar con todos os efectivos pero preferimos non arriscar” comentaba Juanlu.
Día do Club
Este será o terceiro e último Día do Club 2014-15 en Vista Alegre. A taquilla estará aberta desde as 19.00 horas.
PREZOS PARA SOCIOS
Abono Individual: 5 euros
Abono Familiar: 5 euros/entrada
Abono Estudante: 5 euros
Abono xuvenil: 5 euros
Abono Xubilado: 5 euros
Abono Infantil: 1 euro
PREZOS PARA NON SOCIOS
Maiores de 14 anos: 20 euros
De 0 a 13 años: 3 euros
Convocatoria Burela FS Pescados Rubén: 1. Edu, 5. Iago Míguez, 7. Isi, 10. Matamoros, 11.Chano, 13. Álex, 17. Carlitos, 23. Antoñito, 27. Renato, 29. Ángel, 30 Hélder
Convocatoria FC Barcelona: 2. Aicardo, 5. Gabriel, 7. Dyego, 8. Lin, 9. Sergio Lozano, 11. Saad, 13. Wilde, 14. Ferrao, 19. Adrián Ortego, 20. Joan Miñano, 22. Rafa Usín, 28. Paco Sedano
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
