Lugo, 13 de xaneiro de 2015.-O PP lucense informou hoxe que actual alcalde do municipio de Burela, Jose María González Barcia, volverá a ser o candidato popular de cara ás eleccións municipais que terán lugar o vindeiro mes de maio.
Nacido en Burela en 1956 e mestre de profesión, optará á reelección como alcalde tras unha lexislatura, a actual, na que o PPobtivo a maioría absoluta. González Barcia que xa exerceu como rexedor entre marzo de 2005 e 2007, ademais do actual período, conta cunha ampla traxectoria política, como concelleiro en Burela como, antes da segregación, en Cervo.
A nivel orgánico é o coordinador territorial do Partido Popular na Mariña lucense e forma parte do Comités Executivos provincial e autonómico do PP. Foi tamén portavoz adxunto do Grupo Popular na Deputación de Lugo entre os anos 2007 a 2011, ata a súa volta á Alcaldía.
BURELA POR RIBA DE TODO
O presidente provincial do Partido Popular en Lugo, Xose Manuel Barreiro, encomiou o traballo do candidato á reelección no municipio por “defender os intereses dos veciños por riba de calquera outra cousa”.
O presidente dos populares lucenses dixo que aínda que para ningún alcalde foi sinxelo xestionar durante estes anos de crise, “demostrouse que confiar no PP é elixir estabilidade fronte ao caos, e orde fronte a desorde” tras insistir en que os populares “non facemos política de palabras senón de feitos”.
Feitos como as obras de acceso ao porto de Burela (xa en execución), a nova gardería municipal (tamén en obras), as melloras en instalacións educativas e deportivas (entre elas, a inminente execución dos vestiarios e aseos no campo de fútbol da Marosa e cuberta no colexio Vista Alegre), ás melloras proxectadas no porto pesqueiro e comercial, a nova Capitanía Marítima ou o avance experimentado polo ambicioso proxecto de ampliación do hospital (proxecto técnico definitivo en redacción), ademais dos cursos e obradoiros de emprego, a recuperación de todo un símbolo para Burela: o seu faro, a aprobación do PXOM (que ten posibilitado a realización de todo o demais) ou a baixada de impostos para 2015 (co IBI ao mínimo legal), por citar só actuación impulsadas en colaboración con outras administracións.
González Barcíadefendeu a súa candidatura á reelección para dar continuidade aos proxectos iniciados a actual lexislatura e para que sirva de respaldo veciñal a unha xestión en sintonía coas administracións autonómica e central que teñen efectuado un importante esforzo inversor e actuado con lealdade con Burela e cos seus veciños.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
