Cervo, 21 de xaneiro de 2015.- Os socialistas de Cervo lamentan que os veciños da Rúa Concepción Arenal teñan que facer público unha vez máis o estado de abandono no que se encontra esta zona de San Cibrao, “é lamentable que o Concello poida manter así esta rúa, cando é un dos puntos neurálxicos para as compras dos veciños da vila de San Cibrao e do resto do concello por estar aquí o supermercado. Ó longo da estrada hai fochancas de grandes dimensións e nas aceras, áreas de aparcamento e no firme existen varias zonas onde a auga apoza con moita facilidade”.
“Pedimos por cuarta vez en dous anos que tomen medidas en canto a este asunto. Levamos así anos e o señor alcalde, Alfonso Villares, e o seu equipo de goberno seguen pasando do tema como o primeiro día poñendo de manifesto, coma sempre, a súa pasividade e deixadez habitual”, engadiron.
Os membros do Grupo Municipal Socialista lembran que “comezamos a insitir nesta problemática hai dous anos. Polo mes de febreiro de 2013 trasladamos ós medios de comunicación as queixas que nos transmitían diariamente os veciños. O único que fixeron foi facer acto de presencia no lugar, ordenar un lavado de cara que incluso empeorou a situación e ós dous días seguíamos tendo o mesmo problema”.
Dende o goberno municipal chegaron a recoñecer abertamente a necesidade deste arranxo e aseguraron que estaban traballando no asunto, “pero é que levan co mesmo discurso dende o ano 2009 no que xa anunciaron esta obra. Estamos finalizando xaneiro de 2015 e a rúa está anegada de auga porque non se preocuparon nin o máis mínimo en todo este tempo de plantexar unha solución definitiva”.
Os socialistas aseguran que “as declaracións do goberno cervense do Partido Popular non son máis cunha burla directa cara ós nosos veciños, unha auténtica falta de respecto que demostra unha vez máis o pouco compromiso que teñen os membros do PP co noso concello”.
Por todo, ademais de esixirlle ó equipo do Partido Popular “a máxima urxencia no arranxo desta situación”, pregúntanlle cales son os criterios que manteñen para reparar certas vías e outras non “esta zona non só é usada polos habitantes da rúa senón que é transitada, e moito, por tódolos veciños de San Cibrao e Cervo e incluso tamén veciños doutros concellos, traballadores de Alcoa e familiares que gozan de descontos neste supermercado. Na Veiga só quedan duas rúas sen cambio de beirarrúas e reposición de firme e non entendemos o porqué. É vergoñento que certas zonas da vila se atopen así e o equipo de goberno non mova un dedo para dar solución ó día a día dos seus veciños”.
Rematan pedindo que “cumpran coas súas promesas e fagan as actuacións necesarias para o completo arranxo desta rúa dunha vez por todas, pois é o punto comercial alimenticio por excelencia para os veciños, non só de San Cibrao, se non de todo o Concello. Dá pena ver día sí día tamén todo inundado de auga, sobre todo, en época de choiva como na que estamos”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
