Madrid, 20 de xaneiro de 2015.- A deputada socialista por Lugo Margarita Pérez Herraiz acaba de recibir unha resposta parlamentaria na que o Goberno confirma que se executou tan só un 5% das actuacións de desenvolvemento rural para a provincia de Lugo que o Goberno e a Xunta de Galicia aprobaron e presupostaron nun convenio que asinaron en xuño de 2012.
Segundo o devandito convenio, Goberno e Xunta deberían executar en cinco anos, dende 2012 ata 2016, o 100% de distintas actuacións de desenvolvemento rural en diferentes zonas das Mariña, Lugo Central, Lugo Sur e a Montaña Lucense, cun presuposto total de 57.764.160,5 euros.
Non obstante, Pérez Herraiz denuncia que “segundo recoñece o propio Goberno, cando pasaron xa 3 dos 5 anos de prazo, do presuposto total se executou tan só 2.887.245,98 euros, o que supón un exiguo 5% “.
Do presuposto total de 57,7 millóns de euros para actuacións de desenvolvemento rural na provincia de Lugo reflectido no Convenio, 6,2 millóns de euros son para actuacións na Mariña, 26,5 millóns de euros para diversas zonas de Lugo Central, 5,6 millóns de euros para a zona Sur de Lugo e 19,3 millóns de euros para actuacións na montaña lucense.
Non obstante, o Goberno recoñece que para A Mariña só se executaron actuacións por 179.039 euros, o que supón que un grao de execución do 2,85% sobre os 6,2 millóns presupostados. Respecto á zona central de Lugo, só executáronse 435.757 euros (un 1,64% de 26,5 millóns presupostados). Na zona sur só executouse un 2,80% por 157.191 euros, e na montaña lucense executouse un 9,04% con 1,7 millóns dos 19,3 de presuposto.
Pérez Herraiz lamenta “a falta de execución de actuacións de desenvolvemento rural que son moi necesarias nunha provincia como Lugo, cun elevado grao de envellecemento e zonas practicamente desérticas que requiren a promoción de plans que fixen poboación,”. Recorda así que a porcentaxe de persoas maiores de 65 anos en Lugo é un 28,36%, fronte ao 23,58% en Galicia e o 18,06% en España. En canto a maiores de 80 anos, a porcentaxe sitúase en Lugo no 11,01% fronte a un 7,91% en Galicia e un 5,67% en España. “E o dato máis importante para o futuro da provincia -apunta a deputada- é desesperanzador: os menores de 15 anos son na provincia de Lugo só un 9,76%, fronte ao 11,89% en Galicia e o 15,04% en España,”
“As actuacións de desenvolvemento rural son esenciais na provincia de Lugo dende un punto de vista ambiental, económico e demográfico” -incide e apunta que os socialistas intentaron introducir nos Presupostos do Estado de 2015, mediante unha emenda, un Plan Demográfico para as provincias de Lugo e Ourense dotado con 10 millóns de euros, pero o PP o rexeitou.
A deputada socialista reprocha ao Goberno -que financia o 50% das actuacións do Convenio asinado coa Xunta- a súa “falta de compromiso respecto á vixilancia do cumprimento da execución das actuacións aprobadas e presupostadas por ambas as dúas administracións”. Así mesmo, insta á Xunta a “que actúe con responsabilidade” pois, apunta, que o devandito Convenio establece que a falta de xustificación de execución de fondos por parte da Xunta de Galicia leva consigo a perda dos fondos que achega o Estado. Neste sentido, advirte mesmo da posible perda de fondos europeos.
Pérez Herraiz sostén que “os socialistas seguiremos atentos para procurar o cumprimento do Convenio” e avanza a presentación no Congreso de novas iniciativas parlamentarias a este fin.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
