Xenebra, 21 de xaneiro de 2015.- Na mañá deste mércores A Mesa pola Normalización Lingüística asistiu á sede da ONU en Xenebra para participar no exame ao Estado español que a comisión de dereitos humanos da ONU realizou no marco do 22 Exame Periódico Universal de dereitos humanos (Universal Periodic Review of human rights in the Spanish state), no que se avalía o respecto aos dereitos humanos en materias como racismo, inmigración, tourutas ou cultura e educación. (Pódese ampliar información nas webs oficiais do organismo: http://www.ohchr.org/EN/HRBodies/UPR/Pages/ESSession21.aspx e https://uprdoc.ohchr.org/uprweb/downloadfile.aspx?filename=1316&file=EnglishTranslation ).
A Mesa pola Normalización lingüística, a través do seu presidente Marcos Maceira, fixo parte dunha delegación de representantes de ELEN (European Language Equality Network) que acudiu a esta sesión da Revisión Periódica Universal das Nacións Unidas para expor o seu informe sobre a discriminación de falantes de linguas diferentes so español no Estado, que será tido en conta para a elaboración do informe sobre a situación dos dereitos humanos no Estado español que se está a elaborar no marco desta 21º Revisión Periódica Universal.
Alén da Mesa pola Normalización Lingüística, a delegación de ELEN estivo composta por Ferran Suay (Acció Cultural del País Valencià ACPV), Rosa de les Neus Marco (Plataforma per la Llengua, Cataluña), Francesc Felipe, Jaume Fullana e Natxo Badenas (Escola Valenciana).
A sesión comezou ás 9.00 coa comparecencia do Secretario de estado de relacións exteriores para dar conta do informe presentado polo Estado e responder ás cuestións da comisión.
Tras esta comparencencia do Secretario de Estado de asuntos exteriores, ás 12.30 a delegación de ELEN participou nun acto ante a prensa internacional na sala XXIII da ONU para expor o informe presentado e detallar os casos de discriminación lingüítica recollidos (O informe pódese descargar desde esta ligazón: http://www.amesanl.org/gl/mediateca/dir/mediateca/ONU ).
A delegación de ELEN foi moi crítica co silencio do Secretario de Estado a repecto das denuncias de discriminación lingüística, obviadas na súa comparecencia, e destacaron a necesidade de que a vulneración de dereitos lingüísticos se inclúa nos informes oficiais do Estado, que non facía ningunha alusión a esta cuestión no seu relatorio.
Na súa intervención, o presidente da Mesa, Marcos Maceira, destacou que o galego “ten dereitos xurídicos recoñecidos mais na práctica non se poden exercer en plenitude” e detallou casos de represión lingüística sobre galegofalantes como retrasos en operacións por solicitar a autorización en lingua galega, denegacións de bolsas predoutorais por presentar o certificado de estudos universitario en galego ou ameazas en oposicións por utilizar o noso idioma. Maceira tamén sinalou que “mesmo existen atestados policiais en Galiza onde se fai referencia ao ‘acento gallego”, o que é “un exemplo máis de discriminación”.
No referido ao dereito á educación, o presidente da Mesa destacou os retrocesos a respecto da oficilidade do galego que está a impulsar o actual goberno da Xunta, como o Decretazo contra o galego que por primeira vez limita o uso do galego no ensino e que calificou como “tremendamente lesivo” para a saúde da lingua galega.
Finalmente, Maceira informou a prensa internacional da masiva manifestación en defensa do galego que percorrerá as rúas de Compostela o vindeiro 8 de febreiro, convocada por Queremos Galego.
Na comparecencia de ELEN tamén participaron por Ferran Suay (Acció Cultural del País Valencià ACPV), Rosa de les Neus Marco (Plataforma per la Llengua, Cataluña), Francesc Felipe, Jaume Fullana e Natxo Badenas (Escola Valenciana), que detallaron numerosos casos de discriminación lingüística nos seus territorios, polo que o informe de ELEN conclúe que “a discriminación contra as linguas propias diferentes do español é sistémica desde o propio Estado, e que esta discriminación está instotucionalizada”.
A Rede Europea pola Igualdade Lingüística (ELEN) constituiuse no 2011 para traballar na protección e promoción das nacións sen estado de Europa e as linguas minorizadas. Até agora ELEN representa 44 linguas en 21 Estados europeos.
Tras a exposición do seu relatorio a delegación de ELEN fixo un chamado á participación na mobilización en favor da lingua convocada por Queremos Galego para o 8 de febreiro.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
