Nordés propón inaugura as actividades deste 2015 cunha proposta para este sábado 31 de xaneiro. Trátase dun roteiro polo “Camiño dos Arrieiros” que ascende, dende Estaca de Bares, cara ó sur serpeando polos montes ata chegares ós bretemosos cumios das Serras Faladora e Coriscada.
Este roteiro didáctico guiado polo arqueólogo Carlos Otero Vilariño, que contará dos tesouros que agocha o chan ou que se atopen cubertos por xestas, toxeiras e matogueiras, dará comezo ás 10.30 horas dende o Centro Social das Grañas do Sor (Mañón).
Despois de repoñer forzas en Casa Urbano cun xantar opcional dun prezo de 15 euros, a xornada continúa coa visita ó Museo Etnográfico de Meixido guiada polo seu fundador, Narciso Luaces, quen, ó tempo que amosa as pezas do seu Museo, falará sobre amor á tradición e cultura popular e o esforzo polo seu espallamento.
O prezo das actividades (excepto o xantar) é de 3 euros para os non socios. Os socios e os nenos e nenas poderán participar de balde. Aínda así é preciso inscribirse antes do xoves 29 de xaneiro no teléfono 653 756 454.
A organización aconsella levar roupa de abrigo para o roteiro que pode ser cancelado debido ó mal tempo. Nese caso, será substituído por unha conferencia de Carlos Otero no propio Centro Social das Grañas do Sor.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
O posto amosa as novidades editoriais como "Mudar en común: Galiza 1959-1982", un estudo sobre a transformación estrutural da sociedade rural galega da historiadora Alba Díaz Geada que se presentou pola mañá, ou "A escola de náutica e comercio de Ribadeo, de Antonio Prado Gómez, que se presentou pola tarde na Biblioteca Municipal, antiga sede da escola. Estes e outros títulos da editora institucional están a venda nas librarías da feira.
A iniciativa foi promovida polo propio colectivo. O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha.
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
