Xove (Lugo), 3 de febreiro de 2015. O vicepresidente da Xunta, Alfonso Rueda, acompañado do delegado do Goberno en Galicia, Santiago Villanueva asistiron este martes ó simulacro do Plan de Emerxencia Exterior (PEE) de lodos vermellos de Alcoa, que se desenvolveu con éxito nas zonas de afectación do posible accidente. No simulacro tamén estiveron presentes o director xeral de Emerxencias e Interior, Luís Menor, e a delegada territorial da Xunta en Lugo, Raquel Arias.
O vicepresidente da Xunta, Alfonso Rueda destacou a importancia que teñen este tipo de exercicios para a coordinación e concienciación do persoal da empresa e dos propios cidadáns e veciños de cómo proceder en caso de que algún dia poida ocorrer un accidente, por iso incidiu na importancia da prevención e de levar a cabo estes simulacros que serven para poder anticiparnos a calquera emerxencia que poida pasar.
Alfonso Rueda salientou a importancia deste tipo de exercicios, xa que dan a coñecer a potencial poboación afectada as medidas de autoprotección a aplicar en caso dun incidente. Así mesmo, permiten unha coordinación efectiva entre as administracións e a empresa para garantir unha maior seguridade na zona.
O goberno galego, segundo indicou Rueda considera que a mellor resposta ante unha situación de emerxencia é aquela que se da antes de que se produza, polo que a mellor resposta ante as emerxencias é a prevención, e estar implicados e preparados para facer fronte ante as emerxencias.
Desenvolvemento do simulacro
O exercicio desta mañá consistiu en simular unha incidencia do dique de contención sen rotura do mesmo e que sen exista certeza de que poida ser controlado mediante a aplicación das medidas e medios internos dispoñibles da empresa Alcoa.
De xeito inmediato, a empresa activa o seu Plan de Emerxencia Interior coa participación da súa brigada de intervención e dos efectivos de bombeiros de Mariña. De forma case simultánea activouse tamén o Plan de Emerxencia elaborado e dirixido dende a Xunta de Galicia.
Neste simulacro tamén participaron bombeiros de A Mariña-Viveiro, membros da Garda Civil, da Policía Autonómica, GES de Cervo, agrupación de voluntarios de Protección Civil de A Mariña, persoal do Concello de Xove, persoal sanitario do 061. En total, entre o persoal externo e o da propia empresa, mobilizáronse a unhas 50 persoas.
Aposta polos simulacros
As normativas europea e estatal obrigan ás administracións públicas a elaborar e implantar plans de emerxencia nas instalacións que xestionan determinados residuos das industrias extractivas e de protección e rehabilitación do espazo afectado por actividades mineiras, e pola Instrución técnica complementaria do 8.02.01 para a elaboración de plans de emerxencia de diques mineiros.
A realización dos simulacros permite a implantación efectiva dos Plans de Emerxencias Exterior e a súa mellora, a través das leccións aprendidas no desenvolvemento dos mesmos. Estes plans de emerxencia exterior teñen como obxectivo determinar os posibles riscos do dique mineiro e ter preparada a resposta axeitada para minimizar as consecuencias en caso de producirse un accidente. A elaboración destes plans non é suficiente se non se traballa na súa implantación, polo que debido a importancia de realizar exercicios para mellorar a coordinación dos recursos mobilizados, dende o ano 2013, a Xunta está a levar a cabo campañas de implantación de plans de emerxencias exterior en todo o territorio da Comunidade Autónoma.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
