Santiago, 04 de febreiro de 2015.- O Parlamento de Galicia aprobou, co apoio de todas as forzas políticas, a iniciativa do Grupo Popular instando ao Goberno galego a dirixirse á Comisión Europea para que anule os beneficios arancelarios para a conserva de atún procedente de Filipinas.
O acordo final, froito dunha transacción entre o Grupo Popular e o Grupo Socialista, demanda que se teñan en consideración a defensa dos intereses do sector pesqueiro e conserveiro galego e europeo e, moi en particular, os reiterados incumprimentos polo país insular asiático dos requisitos para a previr, desalentar e eliminar a pesca ilegal, non declarada e non regulamentada.
Os populares viñan defendendo que o acceso das illas Filipinas ao sistema de preferencias xeneralizadas (SPX) permite a entrada no mercado europeo de, segundo algunhas previsións, ata 70.000 toneladas de posibles produtos exportados deste país asiático, máis de 6.000 deles sen aranceis, entre os que se atoparían as latas de atún.
Considerando que Filipinas non cumpre os requisitos ratificados en convenios internacionais sobre dereitos humanos, laborais, medio ambiente e gobernanza, e que tamén acumula sancións por pesca ilegal, non declarada e non regulamentada -ata o punto de que a propia Comisión europea sacou tarxeta amarela por estas razóns-, non é fácil comprender que agora se lle premie para achegar os seus produtos ao mercado comunitario, provocando unha distorsión da oferta e incorrendo nunha evidente situación de competencia desleal, en especial para as conservas galegas.
Os populares lembran, finalmente, que no sector conserveiro español traballan máis de 15.000 persoas, dos que o 75% deses empregos directos están en Galicia. Ademais enlatan un volume que alcanza as 342.525 toneladas, por valor de 1.528 millóns de euros e que incluso foi quen de incrementar as súas vendas e exportacións nos últimos anos. O acordo busca evitar que a importancia industrial e social deste sector poida verse agora ameazada pola supresión de aranceis a Filipinas, “un levantamento de barreiras que non necesita un sector conserveiro galego” –conclúe Balseiro.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
