LUGO.- A xunta de goberno da Deputación acordou investir 235 mil euros na primeira fase de adquisición deste mobiliario urbano e dotará con marquesinas a rede viaria provincial e diversos espazos públicos. “As marquesinas estarán construídas en madeira e serán respectuosa co medio ambiente”, asegurou o voceiro socialista Antonio Gato
NOTA DE PRENSA
A Deputación dotará con marquesinas a rede viaria provincial e diversos espazos públicos
– A Xunta de Goberno aprobou un presuposto de 235.000 euros para unha primeira fase de adquisición deste mobiliario urbano
– Gato destaca que “estas marquesinas estarán construídas en madeira e serán respetuosas co medio ambiente”
– O Goberno provincial adxudica a contratación de dous servizos sobre biomasa e turismo medioambiental dentro do LugO2
A Deputación dotará con marquesinas a rede viaria provincial así como diversos espazos públicos, segundo anunciou o voceiro do grupo provincial socialista, Antonio Gato. A Xunta de Goberno deste venres, presidida polo máximo responsable provincial, José Ramón Gómez Besteiro, aprobou as cláusulas administrativas para a subministración deste mobiliario urbano así como un presuposto de 235.625 euros. Antonio Gato apuntou que “esta é unha cantidade importante para comezar que será ampliada en fases posteriores”.
Segundo avanzou o voceiro socialista, “as marquesinas estarán construídas nun material nobre como é a madeira. Serán artesanais, respetuosas co medio ambeinte e estarán perfectamente integradas nos espazos públicos de carácter patrimonial”. Gato Soengas dixo que “ademais da rede viaria provincial, dotaremos con este mobiliario aqueles espazos públicos que se considere convinte en función das necesidades dos veciños”.
Biomasa e turismo medioambiental
A Xunta de Goberno tamén adxudicou provisionalmente dous novos servizos dentro do ámbito do LugO2: por unha banda, a redacción do proxecto de análise de dispoñibilidade, extracción, transporte e distribución da biomasa e, por outra, as actuacións orientadas á profesionalización do turismo rural medioambiental. As dúas adxudicacións suman un total de 287.100 euros.
Con respecto ó servizo relacionado coa biomasa, Gato Soengas afirmou que “partimos da base de que os residuos xerados na limpieza, poda ou corte dos montes poden ser empregados para usos enerxéticos e para crear combustibles. Desta forma, non só se diminúe o risco de pragas e de incendios, senón que estamos impulsando a economía da provincia, xa que os combustibles que se xeren poderán ser logo comercializados”. Para a súa posta en marcha, elaboraranse proxectos que analizarán de forma específica a extracción, transporte e distribución da biomasa forestal co obxectivo de levar a cabo experiencias piloto de recollida, preparación e transporte da biomasa en diversos Concellos da área de actuación do Lug02.
Polo que se refire ás actuacións orientadas á profesionalización do turismo rural medioambiental, inclúen, entre outras medidas, a elaboración dun estudo da oferta de turismo dos Concellos das Reservas e do Courel, así como a realización de cursos de aproveitamento turístico para os responsables dos establecementos de turismo rural, fomentando o uso das novas tecnoloxías. “O obxectivo é contribuír de maneira decisiva á creación de 20 empresas relacionadas co medio ambiente e o turismo”, dixo Antonio Gato.
Xestión integral e informatizada
Tamén se acordou a implantación da xestión integral e descentralizada do patrimonio da Deputación. “Vaise sistematizar e informatizar toda a xestión relacionada co patrimonio. Poderán incorporarse requerimentos desde os diferentes servizos relacionados coa xestións de bens e dereitos provinciais”. O presuposto previsto é de 98.500 euros.
Outro dos asuntos aprobados foi a adxudicación provisional das obras de construción dun edificio de servizos na área fluvial de Teiguín, no Concello de Samos. O edificio será de pranta baixa e incluirá zonas destinadas a vestiarios, primeiros auxilios, almacén e limpeza. “Agora os veciños desta localidade, e tamén os da bisbarra, entre os que se atopan os de Sarria, poderán disfrutar dun contorno medioambiental excepcional”. O investimento será de 199.950 euros e o prazo de execución de 2 meses.
Por último, a Xunta de Goberno aprobou 35 contas xustificatvas de Plans de Comunidades dos anos 2005, 2006, 2007, e 2008. As obras suman un presuposto de 454.462 euros, dos que a Deputación achegou 302.123.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
