A Mariña, 23 de febreiro de 2015.- A CIG-Ensino da Mariña convoca unha asemblea para informar das oposicións ao corpo de mestres que se van a celebrar este ano.
A asemblea informativa terá lugar o próximo mércores día 25 ás 18.00 horas no local da CIG de Burela (Arcadio Pardiñas, 137, 1º) e é totalmente aberta a calquera persoa interesada.
A oferta de prazas que se fai desde a Consellaría é de 432 prazas do corpo de mestres, 402 delas de acceso libre e 30 para discapacitados/as. A CIG-Ensino xa criticou esta oferta por ser totalmente insuficiente, cando se produciron máis de 4.000 xubilacións nestes anos e a oferta en número de prazas convocadas nas oposicións foi tan só de 585 prazas desde 2011 en todos os niveis e etapas e esixiu na mesa sectorial a convocatoria de oposicións en todos os niveis educativos.
A Consellaría insiste en aplicar unha taxa de reposición, que sumada ás de anos anteriores, incide novamente na perda de profesorado, cando xa se produciu unha redución de máis de 100 docentes nos centros da Mariña desde 2009. Segundo manifestou Dores Fernández, secretaria da CIG-Ensino na Mariña “unha oferta de emprego tan reducida contribúe, ademais, a deteriorar as condicións de traballo do profesorado e a calidade do ensino. Coa falta de docentes increméntase a impartición de afíns, as itinerancias entre centros, as rateos nas aulas e a carencia de profesorado para atender as necesidades específicas de apoio educativo, etc. Así mesmo acrecéntase a precariedade ao aumentar a bolsa de profesorado interino e substituto, impedindo a creación de cadros de persoal estábeis nos centros.”
Desde a CIG Ensino tamén chama a atención que, sen pasar pola Mesa Sectorial do Ensino, se convoquen 14 prazas do corpo de inspección, malia que xa se incrementaran estas prazas un 25% no ano 2013, cando nin sequera se repoñen o 100% das vacantes producidas nos diferentes niveis educativos e son múltiples as carencias, necesidades e demandas de profesorado nos centros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
