Lourenzá, 23 de febreiro de 2015. A concelleira de Cultura en Lourenzá, Lupe Flórez Seivane, fixo este luns un balance moi positivo do desfile de Entroido celebrado onte, coa organización da asociación de comerciantes, industriais e autónomos de Lourenzá e o Concello.
“A xornada de onte, Domingo de Piñata, no noso concello foi un éxito rotundo de público e participantes, que se viu en certa medida acompañado por unha climatoloxía favorable, xa que a chuvia perdoou durante o desfile e mesmo nalgúns momento chegou a lucir o sol. Isto fixo que un gran número de persoas inundara as rúas da nosa vila, tanto para participar no desfile como para asistir como público”, explicou Lupe Flórez.
A concelleira de Cultura engadiu que “dende o Concello, aparte da enorme participación que ano a ano desborda as previsións que facemos tendo en conta as anotacións da edición anterior, tamén queremos facer unha valoración positiva do comportamento da xente que asistiu. Noutras ocasións tivemos certos problemas de tráfico e aparcamento, pero nesta non houbo maiores dificultades. Queremos dar as grazas de maneira importante a aqueles voluntarios de Protección Civil, tanto da agrupación local de Lourenzá como do concello veciño de Mondoñedo e da agrupación da Fonsagrada, así como aos operarios do Concello que colaboraron de maneira desinteresada para que esta xornada se desenvolvera sen maiores dificultades e que todo o mundo que veu a Lourenzá puidese pasar unha tarde agradable gozando do noso desfile. Tamén queremos destacar dende o Concello a presenza dun xurado diverso, que sempre facilita que os premios sexan dados da maneira máis obxectiva posible, polas diferentes procedencias dos membros do xurado. Estivo composto por membros das áreas de Cultura, tanto concelleiros como animadores socioculturais, técnicos de Cultura, bibliotecarios, etcétera, dos seguintes concellos: Abadín, Alfoz, Barreiros, Burela, Cervo, Valadouro, Foz, Vicedo, Ourol e Xove. E no caso de Lourenzá asistín eu, como representante da área de Cultura”.
Flórez Seivane rematou salientando “a presenza diversa de participantes que ano a no chega a sorprendernos. Á hora de recoller os premios pregúntaselles aos galardoados cal é a súa procedencia, resultando moi diversa: tivemos participantes e gañadores de toda A Mariña, dende Viveiro de toda a franxa costeira ata Ribadeo, e tamén do interior da nosa provincia, como da zona da Terra Cha, de Lugo, etcétera. Ademais houbo participantes da provincia da Coruña, pois un grupo gañador era de Cariño, e da comunidade veciña de Asturias: de Vegadeo, Tapia e ata mesmo unha parella de Xixón”.
Premios
Categoría infantil
* INDIVIDUAL:
1º- Atopei un niño no Entroido
2º- A dama do viñedo
3º- Lucas 747 pedindo pista
4º- El duende
5º- Ada de primavera
* PARELLAS:
1º- A casiña de Hansel e Gretel
2º- Astérix e Obélix
– Quedaron desertos o 3º e 4º premios por non haber máis inscritos nesta categoría
* GRUPOS:
1º- As viúdas da sardiña
2º- As velutinas
3º- Os gnomos do C.E.I.P. “Juan Rey”
4º- A min a Llas
Categoría adulto
* INDIVIDUAL:
1º- Xira, xira, non para
2º- Un paseo por Sevilla
3º- Debaixo do mar
* PARELLAS:
1º- Yo soy tu amigo fiel
2º- Amor imposible
3º- Os toros mecánicos
* GRUPOS:
1º- Los mismos de siempre con Pryscila
2º- Los infieles, fantasía felina
3º- Fantasía nevada
* CARROZAS:
1º- Barco Playmóvil Piratas
2º- Salón vaquero
3º- Los ángeles de Victoria Secret
* COMPARSAS:
1º- Sin Xeito
2º- Os Macanudos
3º- A Choca
* CHARANGAS:
1º- O mellor de cada casa
– Quedaron desertos o 2º e 3º premio ao non haber máis agrupación inscritas
* O MÁIS CHISTOSO:
– Mariña Dor
– Sambódromo
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
