Barreiros, 28 de agosto de 2009.- O BNG de Barreiros critica ao alcalde, Alfonso Fuente, por non ter convocado o pleno ordinario que tiña que terse celebrado o pasado mes de xullo. Antonio Veiga asegura que “no Concello de Barreiros normalmente ocorren cousas anómalas, unha delas é por exemplo a non convocatoria de pleno que correspondía celebrar o 27 de xullo, o pleno ordinario dese día foi cambiado sine die, porque non voltamos a ter comunicación ningunha por parte do Concello de si se ía celebrar ou non. Os argumentos esgrimidos pola alcaldía eran que nese momento non había secretaría porque estaba de baixa, pero nós entendemos que hai medios para dotarse dun secretario concretamente dende a Área de Asistencia Xurídica e Cooperación cos Concellos da Deputación e sí se pode contar cun secretario para que dese fé dese pleno”.
O grupo municipal do BNG entende que “non é un problema técnico a cuestión pola que non hai pleno en Barreiros, nós cremos que por parte do grupo de goberno non apetece ir aos plenos, non apetece debatir temas importantes. Durante todo o verán Barreiros ten unha actividade importante, hai problemas que hai que solventar aos veciños e a alcaldía non sempre os solventa e hai temas que hai que analizar entre tódolos grupos da Corporación. Polo tanto con esta actitude estase a coartar a participación dos membros da oposición e a coartar tamén a participación de todos os veciños, pois nós somos os representantes deles”.
Veiga Outeiro lembra que “o BNG tiña dúas ou tres mocións para debatir. Considerábamos que era importante unha moción na que instábamos á Xunta para que esa promesa electoral do PP de crear un centro de día se cumprira e para saber en qué estado estaban esas negociacións. Eso do que fixo o PP tanta campaña nas pasadas eleccións autonómicas de que cada concello ía ter un centro de día era unha vella reivindicación do BNG e polo tanto queríamos debatir eso, queríamos que dende a alcaldía se nos explicara cal era o estado das xestións coa Xunta para que todos os nosos maiores puideran dispor dese centro”.
Os nacionalistas engaden que “tiñamos outra moción relacionada coa autovía, cos accesos á autovía. Nós vemos que tódolos días o alcalde sae na prensa sempre criticando, sempre achacándolle os problemas a outras institucións en temas relacionados cos accesos á autovía. Nós tiñamos unha moción para debatir e polo tanto o que lle pedimos é que se convoque ese pleno canto antes porque se non teríamonos que ir ao pleno ordinario de finais do mes de setembro e se seguimos na mesma tesitura ao mellor esa sesión tampouco se celebra. Ademáis hai outros temas importantes como poden ser a estación depuradora de augas residuais, algo que vén ralentizando o Concello dende hai anos, xa co goberno bipartito. Hai preocupación entre os usuarios do polígono e entre os veciños do barrio da Espiñeira con este asunto, por iso decimos que todos estes temas hai que falalos na mesa de plenos que é onde están representados todos os veciños e onde podemos chegar a acordos para solucionarlles os problemas que sofren en Barreiros. Dende o BNG entendemos que na prensa non se solucionan os problemas, onde ten que dar respostas o alcalde e rendir contas á Corporación é no salón de plenos”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
