Burela, 26 de febreiro de 2015. En Burela dan comezo as obras de prolongación do martelo que separa as zonas comercial e pesqueira do porto. O investimento ascende a 483.000 euros e o prazo de execución será de 6 meses. O alcalde, José Mª González Barcia, subliñou a capacidade e o esforzo que está a ter Portos de Galicia co porto burelés.
O rexedor dixo que “hoxe é un bo día para Burela porque arrancan de forma oficial as obras de prolongación do martelo que separa a parte comercial da pesqueira do noso porto. É un día importante porque con estas obras vaise mellorar substancialmente a seguridade na dársena interior”.
González Barcia lembrou que “esta obra foi consensuada entre o sector pesqueiro de Burela, representado pola confraría e máis por Armadores de Burela, Portos de Galicia e o propio Concello. Mantivéramos varias reunións sobre este asunto, fixérase un estudo de olas e de vento por parte dos técnicos de Augas de Galicia para buscar posibles solucións á problemática que presenta a dársena interior do porto de Burela e esta decisión é a que tecnicamente incrementa de forma considerable esa seguridade interior. É unha solución avalada polo propio sector, que se decidiu por esta evidentemente tendo en conta os informes e as suxestións dos propios técnicos que elaboraron os estudos de olas e de vento”.
Para o alcalde burelés “estamos diante dun paso que ten unha enorme importancia, porque supón un investimento por parte da Xunta de Galicia, que preside Alberto Núñez Feijoo, a través de Portos de Galicia, de 483.000 euros, que xunto cos aproximadamente 100.000 que custou a colocación duns 40 bloques para reforzo do espigón do porto, estamos falando dun investimento importante nun porto que tamén ten unha importancia transcendental para Portos de Galicia, porque convén recordar que o de Burela é o porto pioneiro en canto a primeira venda de peixe fresco”.
José Mª González Barcia indicou que “hai que esperar agora a que nos próximos meses Portos de Galicia encargue a que sería a segunda fase destas obras de mellora da seguridade da dársena interior, que será redactar o proxecto construtivo do martelo que sairá dende as inmediacións de ABSA en dirección precisamente ata este martelo que se vai empezar a prolongar en breve”.
A duración das obras que se comezan a partir de hoxe é de seis meses aproximadamente “e vamos confiar en que o tempo axude para que as obras transcorran con total normalidade”.
O rexedor tivo palabras de agradecemento para Portos de Galicia: “teño que salientar, unha vez máis, a capacidade e o esforzo que está tendo Portos de Galicia co porto de Burela. Portos de Galicia recoñece a importancia que ten o porto de Burela precisamente con actuacións deste tipo e polo tanto, como equipo de goberno e como alcalde, estamos satisfeitos dos investimentos que Portos está a facer aquí”. Ata Burela se desprazou hoxe o presidente de Portos de Galicia, José Juan Durán.
González Barcia anunciou: “ademais nos próximos 15 días está previsto que comecen as obras de reconstrución do faro de Burela, que será exactamente igual que o que o mar nos arrancou hai aproximadamente un ano”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
