Barreiros, 4 de marzo de 2015. Tras visitar as parroquias do interior do concello durante o mes de febreiro, o BNG de Barreiros continúa coas xuntanzas por parroquias; iniciando na tarde de onte as reunións que celebrará na zona costeira. A primeira delas foi en Reinante, onde reclamacións que xa foron levadas a diferentes institucións polo BNG, foron tamén evidenciadas pola veciñanza.
Así, as veciñas e veciños reclamaron o arranxo das vías municipais, que “sofren un absoluto abandono”. Mais tamén apoiaron a reclamación que leva anos realizando o BNG barreirense a respecto da necesidade de mellorar a depuradora situada á beira da praia de Arealonga. “Este problema foi tratado no pleno do concello en varias ocasións a iniciativa do BNG, que solicitou solucións para os olores e verquidos desta depuradora”, explica a portavoz municipal, Ana Ermida. “Sempre que se levou alí, foi minimizado polo Partido Popular, chegando a dicir que o inventábamos para chamar a atención. E nunca ninguén fixo unha proposta para solucionalo, salvo o BNG”; continúa.
Deste xeito, lembran que “o BNG chegou a presentar emendas aos orzamentos da Xunta para que se realizaran traballos na depuradora para garantir o seu funcionamento e capacidade para evitar os vertidos que todos os anos se repiten na praia de Reinante.”
Tamén o saneamento integral da parroquia, que leva reclamando anos o BNG, foi demandado polas persoas asistentes. “É un escándalo que, cando se trataba de construír saneamento nas urbanizacións ilegais para dotalas dos servizos que tiñan obriga de ter, o Partido Popular estaba disposto a poñer 14 millóns de euros públicos. Pero, en canto o Tribunal Superior de Xustiza de Galiza lles dixo que iso era ilegal, non houbo máis xestión e a Xunta non destina nominativamente a Barreiros neste ano nen un só euro”, afirma Ana Ermida.
Entre os temas tratados na xuntanza tamén destacou “a demanda para que se finalicen as obras na estrada de acceso á praia case seis meses despois de terse iniciado e, tendo en conta que estiveron practicamente dous meses paradas, ata que a presión veciñal e o traslado da mesma ao pleno municipal por parte do BNG, obrigou ao goberno popular a reiniciar os traballos.” A portavoz municipal, explicou que “a execución desta obra é o exemplo palpable do xeito de gobernar do PP en Barreiros: falta de planificación, improvisación e discriminación en función de quen sexan as persoas afectadas”
O grupo nacionalista valora “moi positivamente as achegas que están realizando todas as persoas que teñen tomado parte nas reunións ata este momento” e aseguran que “este é o mellor xeito de traballar polo concello, coñecendo as necesidade e levando as demandas veciñais ás institucións, como vén facendo o BNG a diario.”
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
