A Xunta de Goberno Local do Concello de Xove, en sesión de data 25 de febreiro de 2015, acordou a aprobación das bases que rexerán a concesión de subvencións para o remate exterior (lucido de fachadas) de vivendas unifamiliares con mais de 5 anos de antigüidade, acondicionamento do entorno e accesos a vivendas unifamiliares no termino municipal desde vias de titularidade pública así como para a construcción ou acondicionamento de muros opacos de peche de solares no casco urbano de Xove. A finalidade destas subvencións é a de mellorar a estética das vivendas dos nosos veciños co fin de que se integren mellor na paisaxística rural, pero tamén se pretende mellorar o entorno das propias vivendas, facilitando o acceso das mesmas. A mellora da calidade das vivendas e os seus entornos contribúe significativamente á mellora da calidade de vida dos veciños que as habitan.
Para estas subvencións o Concello dispón de 20.000 euros.
A axuda a conceder acadará o importe xustificado da obra realizada co límite de 450 euros por solicitante e vivenda ou solar. Con carácter xeral, as axudas tramitaranse para atender un só concepto, e só con carácter excepcional motivado mediante informe do Arquitecto Técnico Municipal poderán solicitarse por varios conceptos conceptos, en cuxo caso o importe máximo da axuda será o que corresponda á suma de tódolos conceptos, sen que en ningún caso podan superarse en total a contía máxima de 450 euros.
O PRAZO DE PRESENTACIÓN DE SOLICITUDES, que se abriu o 2 DE MARZO, VAI ESTAR ABERTO ATA O 12 DE XUÑO DESTE ANO, ámbalas dúas datas incluídas. O lugar de presentación de solicitudes serán as oficinas municipais no seu horario normal de apertura.
DOCUMENTACIÓN NECESARIA
1.- Os interesados na obtención destas axudas deberán formular a súa solicitude no modelo establecido ao efecto, acompañando a seguinte documentación:
– Documentación acreditativa da personalidade do solicitante ( Copias Autenticadas do D.N.I. e do N.I.F. ).
– Documentación acreditativa de que o solicitante é o propietario da vivenda ou do solar ( Escritura Pública e/ou Certificación Catastral ).
– Acreditación de que a vivenda ten unha antigüidade superior ós cinco anos, extremo que deberá acreditarse coa presentación da correspondente licenza de primeira ocupación o no seu defecto cun informe emitido polos servizos técnicos municipais acreditativo da antigüidade da vivenda.
– Declaración xurada, no Modelo que se facilitará ao efecto, de que o solicitante non se atopa incurso en ningunha das circunstancias a que se refire o artigo 13.2 da Lei 38/2003, de 17 de novembro, Xeral de Subvencións.
– Declaración Xurada , no Modelo que o efecto se facilitará nas Oficinas Municipais , asinada polo solicitante acreditativa de que a vivenda non está incursa en ningún procedemento de disciplina ou de reposición da legalidade urbanística.
– Declaración Xurada , no Modelo que o efecto se facilitará nas Oficinas Municipais , asinada polo solicitante de estar o corrente do pago de todos os tributos municipais e non ter débedas coa Facenda municipal.
– Declaración xurada de non ter solicitado nin percibidos de calquera outra administración ou organismo público axudas ou subvencións para a mesma finalidade segundo o modelo que ó efecto se facilitará nas Oficinas Municipais.
– Memoria Valorada ( acompañada de fotografías que acrediten o estado das fachadas / ou do entorno e os accesos desde a vía de titularidade pública / ou do muro a acondicionar / ou do fronte ó vial sen muro de peche ) na que se acredite o estado da fachada, do entorno, dos accesos, ou do muro a acondicionar ou a construír e as obras que se pretendan efectuar con descrición valorada dos materiais a utilizar, materiais que nas súas características estéticas e construtivas deberán ser acordes cos do entorno.
– En calquera caso o presuposto total das obras a executar non poderá ser inferior á contía da axuda a percibir.
– Simultaneamente coa presentación da solicitude de subvención deberá presentarse a correspondente comunicación previa das obras a efectuar.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
