Barcia e Edrosa con un cartel que ten unha foto de Zapatero
BURELA .- O grupo municipal do PP de Burela, volve a presentar unha batería de medidas, “pero máis amplas cas anteriores, para que o concello como institución afronte a crise económica, e para que axude a paliar os efectos da mesma a familias, comerciantes, autónomos e pequenos empresarios, tendo en conta que o que queda de ano será peor có xa pasado, e que 2009 será aínda moito peor, Según os datos manexados por expertos de bancos e caixas de aforro”.
Nota de Prensa
ROLDA DE PRENSA GRUPO MUNICIPAL POPULAR DE BURELA
PP presenta unha batería de medidas para afrontar a crise económica.
Os populares aseguran que o alcalde a tenente de alcalde son incapaces de facer propostas.
Cren que o pacto polo emprego que defende o alcalde nace “morto”, porque o paro sube.
O GMPP de Burela asegurou hoxe mediante unha nota de prensa que o alcalde e a tenente de alcalde do Concello de Burela non son capaces a aportar medidas para afrontar a crise económica e minimizar os seus efectos, tanto a nivel do propio concello como de cara á cidadanía, o que demostra unha ausencia total de traballo e, o que é peor, falla de sensibilidade ante a situación das persoas e familias que xa o están a pasar mal.
O GMPP lembra que xa no mes de Xullo presentou unha serie de medidas que non atoparon eco no bigoberno, xa que o alcalde dixo no seu día que a crise non era tal e que quedaba reducida a titulares de prensa. En Agosto o GMPP presentou unha serie de medidas para paliar a crise no sector do comercio, que o alcalde tamén rexeitou porque dixo que o comercio ía ben, e agora resulta que os datos que publica a prensa sobre os resultados do comercio son os que son, ou sexa, malos.
O que non sabemos é se o alcalde, coa que está caendo agora, segue pensando que non hai crise; se é así, a esta persoa pódenlle pasar tres cousas, ou que non sofre a crise porque tén bos ingresos, ou porque vive fóra da realidade, ou as dúas cousas ó mesmo tempo.
O que sí é certo é que a postura que adoptan o alcalde e a tenente de alcalde é hipócrita, porque éncheselles a boca falando de defensa dos máis desfavorecidos, e á hora da verdade só hai corenta mil euros para o comenzo do curso escolar, repartidos inxustamente entre quen pode e quen non pode. En troques, outros concellos sí están a presentar medidas para enfrontar a crise. Ao noso alcalde, só se lle ocurre decir que o aforro dos soldos é irrisorio, e por eso votou en contra, e que todo se resolverá a través do pacto local polo emprego; xa nos explicará que emprego, se as empresas, autónomos, comerciantes e pemes están en plena crise e o paro segue engordando. Abofé que este home nin pensa nin sabe o que di.
Pois ben, agora o PP volve a presentar unha batería de medidas, pero máis amplas cas anteriores, para que o concello como institución afronte a crise económica, e para que axude a paliar os efectos da mesma a familias, comerciantes, autónomos e pequenos empresarios, tendo en conta que o que queda de ano será peor có xa pasado, e que 2009 será ainda moito peor, según os datos manexados por expertos de bancos e caixas de aforro.
As medidas que propón PP son as seguintes:
Os presupostos do Concello de Burela para o exercicio de 2009 contemplarán en todo caso as seguintes medidas tendentes a afrontar a crise económica e a minimizar o seu impacto:
1 .- No que se refire ó funcionamento interno do propio concello:
Conxelación dos soldos do alcalde, tenente de alcalde e adicación parcial.
Conxelación das partidas presupostarias relacionadas coas dietas dos cargos electos por asistencia a plenos, comisiòns de goberno, comisións informativas, e gastos derivados por desprazamentos, así como as referidas ó funcionamento dos grupos políticos.
Reducción nun vinte por cento do presuposto municipal correspondente o capítulo dous de gastos correntes.
Elaboracion do presuposto de ingresos de xeito rigoroso e prudente.
Mantemento das contías destinadas a gastos sociais.
O Concello de Burela reducirá nun 50% a contía asignada a gastos diversos en 2008 de cara ó presuposto de 2009.
2 .- No que se refire ás medidas tendentes a minimizar os efectos da crise entre as familias e os axentes sociais xeneradores de emprego:
Con carácter inmediato, e para os efectos do presente ejercicio 2008, o Concello de Burela reducirá a partida de gasto corrente existente nestes intres nun vintecinco por cento, para levar a cabo un plano de subvencións a familias numerosas, familias que conten con dous ou máis xubilados, ou que conten con alomenos unha persoa dependente.
O Concello de Burela conxelará a totalidade de prezos públicos, taxas e impostos, mantendo as contías fixadas en 2008 no presuposto de 2009.
O Concello de Burela procederá a unha rebaixa do IBI para pasar do tipo impositivo do 0.50 do presente exercicio ó tipo do 0.45 no exercicio de 2009.
O Concello de Burela procederá a efectuar unha bonificación do IBI ás familias numerosas ou a aquelas familias que conten con dous ou máis xubilados, ou alomenos unha persoa en situación de dependencia.
O Concello de Burela arbitrará unha liña de axudas, para paliar os custos de aluguer de vivenda, a familias numerosas, a familias con alomenos dous xubilados, con unha persoa en situación de dependencia, ou con dous membros da familia en situación de desempregados.
O Concello de Burela elaborará un plano de subvencións a familias, en réxime competitivo, dotado cunha contía de 250.000’00€ de cara ó exercicio de 2009, nos que se incluirán os importes das axudas comprendidas nos dous puntos anteriores.
O Concello de Burela elaborará un plano de subvencións, en réxime competitivo, destinadas a comerciantes, autónomos, pequenas e medianas empresas e empresas vinculadas co sector pesqueiro, dotado cunha contía de 250.000’00€ de cara ó exercicio de 2009.
As bases dos planos de subvencións serán aprobados polo pleno do concello de Burela.
As propostas que fai o PP están estudiadas e son factibles, como por exemplo a rebaixa da contribución urbana, do que se queixa moitísimo a xente, porque o PP estando no goberno municipal xa rebaixou a contribución dous anos.
Resulta significativo que teña que ser o PP quen poña en evidencia a falla de compromiso coa sociedade, a insolidariedade e a insensibilidade do BNG e do PSOE hacia as persoas e sectores que o están pasando mal, cando eles din que as súas actuacións son “progresistas”. “Progresa” o número de parados, “progresan” os prezos, “progresa” a vagancia do alcalde e da tenente de alcalde, e “progresa” a súa ineficacia e falla de iniciativas para afontar e minimizar os efectos dunha crise que só eles se empeñan en non ver.
O GMPP de Burela.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
