MONDOÑEDO .- O parlamentario do PP, José Manuel Balseiro, indica que defendeu unha proposición non de lei para acelerar os trámites pendentes da concentración parcelaria Mondoñedo norte, que foi rexeitada debido a que o “bipartito opúxose á acelerar a entrega das parcelas e dos títulos de propiedade”. A iniciativa que expuxo José Manuel Balseiro, foi a instancia do grupo municipal do PP de Mondoñedo que dirixe a edil Elena Candia.
Nota de Prensa
Jose Manuel Balseiro defendeu unha proposición non de lei a través da que se facía patente esta reclamación, a instancia do Grupo Municipal do Partido Popular de Mondoñedo que dirixe a edil Elena Candia.
BNG E PSOE VOTAN EN CONTRA DUNHA INICIATIVA POLA QUE SE RECLAMABA ACELERAR OS TRÁMITES PENDENTES DA CONCENTRACIÓN PARCELARIA MONDOÑEDO NORTE
O PPdeG subliña que o bipartito opúxose á acelerar a entrega das parcelas e dos títulos de propiedade aos seus lexítimos propietarios
Os populares subliñan os múltiples prexuízos que están a afectar aos veciños destas parroquias mindonienses como consecuencia do mal estado das vías e dos camiños de servizo que comunican as parcelas. O acordo parlamentario proposto polo PPdeG instaba a Medio Rural a corrixilos de inmediato.
Desde a formación popular emprazan ao Goberno municipal a cumprir o seu compromiso de facer un seguimento destas obras e, neste senso, a ser conscientes dos trastornos que para os veciños destas parroquias está a provocar as demoras na finalización da concentración parcelaria así como tamén como consecuencia da obra da nova autovía.
A Mariña, 11 de setembro de 2008.- Non foi posible. O voto conxunto dos deputados do BNG e do PSOE impediu que saíra adiante unha iniciativa dos populares a través que se lle pedía á Xunta de Galicia que proceda a acelerar con urxencia o proceso de concentración parcelaria Mondoñedo Norte, que a Consellería de Medio Rural está a desenvolver nas parroquias mindonienses de Masma, Vilamor e Couboeira.
A proposta do PPdeG, defendida polo deputado mariñán José Manuel Balseiro tiña por obxecto poñer fin ao estado de indiferenza oficial que caracteriza á administración autonómica e local fronte as queixas e os trastornos que están a sufrir os veciños destas parroquias, todo iso como consecuencia da larga demora que está a sufrir o proceso de concentración parcelaria. De feito o PPdeG quixo facerse eco desta cuestión na Cámara autonómica a proposta da agrupación local de Mondoñedo que preside a edil Elena Candia.
EMENDA ENGANOSA DOS NACIONALISTAS
Máis a pesar da bondade do obxectivo final -urxir a finalización do proceso de concentración parcelaria-, “non foi posible chegar ao consenso, o BNG presentou unha emenda inaceptable pois falaba de que nestes tres últimos anos os trámites terían sufrido unha <<reactivación>>, algo que, a xuízo da demora acumulada neste trienio, e ante a magnitude das deficiencias detectadas nas pistas e camiños que dan servizo ás parcelas non só non é certo, senón que ademais suporía aceptar un engano”
Ata tal punto chegou o grado de “desinformación” empregado pola deputada nacionalista que nun momento do debate chegou incluso a falar de que Medio Rural xa finalizara a outra concentración parcelaria que afecta ao termo municipal mindoniense, isto é a das Santónigas “unha gran falsidade que calquera veciño pode corroborar”.
Balseiro emprazou precisamente aos veciños destas parroquias e do resto de Mondoñedo a “tomar boa nota, tas observar como as promesas electorais feitas polo Sr Quintana, a piques de rematar a lexislatura non se van a cumprir”
O PSOE DESAUTORIZA A TOURIÑO
“Especialmente sorprendente” foi a oposición do PSOE que votou en contra da aprobación desta proposición non de lei aínda a pesar de que a proposta do PPdeG, tal e como puxo de relevo o deputado popular, coincidía unha iniciativa anterior, datada no ano 2004, e asinada polo actual Presidente da Xunta -entonces xefe da oposición- xunto co deputado Ismael Rego. “Vemos como o PSOE non ten máis remedio que pregarse ao que se lle impón desde o BNG, incluso aínda que cheguen a desautorizar ao propio Touriño”
MAL ESTADO DE VÍAS E CAMIÑOS
Desde o Partido Popular quixeron lembrar as múltiples ocasións nas que desde o Grupo Municipal e, incluso no propio Parlamento de Galicia, denunciaron o mal estado das vías e dos camiños que dan servizo as distintas parcelas da concentración “Fochancas, buratos e accesos aínda por arranxar levan esperando tres anos, data na que os actuais responsables comprometéronse a reparalos”.
De feito, esta cuestión propiciou un enfrontamento entre a Consellería de Medio Rural e o Concello de Mondoñedo xa que ningunha destas administracións afirmaban ser competentes para arranxar estas deficiencias. “Os veciños asistían con perplexidade a un espectáculo bastante lamentable xa que desde a consellería que dirixe o nacionalista Alfredo Suárez Canal, ou desde o Concello lavábanse as mans, ante os problemas. As deficiencias continuarán grazas ao atrancos impostos por PSOE e BNG que impediron que prosperara a iniciativa popular que reclamaba a súa urxente corrección.”
A MAIORES, NOVOS PROBLEMAS
Por outra banda, desde o Partido Popular lembraron que os veciños da parroquia de Masma están a verse prexudicados, de xeito habitual, polo mal estado das súas infraestruturas. De feito, ás deficiencias derivadas da demora nos traballos de concentración parcelaria debemos engadir os prexuízos provocados polas obras da autovía. En ambos casos se están a detectar graves trastornos que incluso chegan a afectar á rede de abastecemento de auga, “xa que, como consecuencia da remoción dos terreos, aos fogares dos veciños chega un auga bastante turbia”.
No seu momento a agrupación local do PP en Mondoñedo emprazou ao Goberno municipal a facer un seguimento de ambas as dúas obras pero, á vista do resultado actual, “unha vez máis atopámonos coa indiferenza da administración que parece non pensar nos veciños. Ninguén fai nada por corrixilo e, desde o Partido Popular non deixaremos de denuncialo alí onde corresponda”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
