Foz, 20 de marzo de 2015. O Concello de Foz construirá gradas de formigón na pista polideportiva do Campo da Cabana. O alcalde, Javier Jorge Castiñeira, prevé que as obras empecen no vindeiro mes de abril.
O rexedor municipal explicou que “por parte do Concello de Foz estase sacando a contratación unha obra importante e moi demandada, que é a continuidade das melloras na pista polideportiva do Campo da Cabana. Hai que recordar que hai menos dun ano fíxose unha obra de reparación integral da pista e das redes laterais máis unha parte de vallas. Con esa obra tamén se retiraron as gradas metálicas e de madeira, que se atopaban nun estado lamentable e perigoso para todos os usuarios. A obra, que está agora pendente de contratación por un importe de cerca de 40.000 euros, vai consistir na instalación dunhas gradas prefabricadas de formigón onde estaban situadas as anteriores, pegadas á rúa Rosalía de Castro, e a mellora das beirarrúas nese lugar”.
Javier Castiñeira considera que esta actuación “abrirá moito máis o Campo da Cabana á xente e mellorará moitísimo a seguridade nesta pista polideportiva descuberta, que hai uns anos atopábase nun estado lamentable. Con estes dous investimentos, o anterior feito en parte con fondos da Xunta de Galicia, o que agradecemos, e tamén con cartos do Concello; e agora con esta segunda fase, que se fará con fondos municipais integramente, o polideportivo do Campo da Cabana, que é un punto de encontro para rapaces, xuventude e deportistas, vai quedar totalmente reformado, despois de 25 anos dende que se fixera a anterior reforma. Polo tanto é unha moi boa nova e esperamos que a principios do mes de abril estean comezando eses traballos de construción das novas gradas de formigón no Campo da Cabana”.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
