Lugo, 24 de marzo de 2015.- O responsable de Cultura e Turismo da Deputación de Lugo, o nacionalista Mario Outeiro, achegouse esta mañá ao CEIP Luís Pimentel de Lugo para observar in situ como se desenvolven os obradoiros da campaña Qontocontigo, que este ano levan o título de ‘Cociña de contos’. Os profesionais de Oqo Editora son os encargados de levar adiante este proxecto que impulsa a Vicepresidencia Primeira e no que participarán máis de 20 centros educativos de toda a provincia de Lugo.
No Luís Pimentel, Mario Outeiro puido comprobar de primeira man a aprendizaxe dos nenos e nenas dun grupo de 1º de Primaria nunhas actividades amenas e moi dinámicas, sendo diferentes en función de cada tramo de idade. “Existen moitas maneiras de viaxar e de achegarse á cultura dun país. Unha delas é a través dos contos, da tradición oral e outra forma de viaxar é a través da gastronomía, que é a proposta que lle ofrece aos máis pequenos e pequenas Oqo a través dos sabores, aromas, cores, formas e texturas de alimentos e receitas que agochan a historia cotiá de cada país e inspiran as súas manifestacións plásticas e artísticas ao longo do tempo”, explicou Mario Outeiro.
Un dos obxectivos que perseguen desde Oqo Editora con estes obradoiros é “traballar o conto como un espazo de achega á literatura, á interculturalidade e á creación artística para desenvolver o espírito crítico na infancia e ofrecer os medios para aprender novas formas de mirar. Nestas actividades a lectura e a creación plástica, xunto coa gastronomía, serán as protagonistas”, sinalan desde a editorial.
Diferentes obradoiros en función da idade
Para os alumnos de 2º e 3º ciclo de Primaria púxose en marcha un obradoiro gastronómico-literario que ten como título ‘Europa á Carta’, xa que no mesmo se inicia unha viaxe virtual que parte de Lugo para pasar por distintos países europeos: Portugal, Polonia, Francia e Italia: “Faremos reflexionar aos cativos sobre a importancia da comida como aspecto identitario; trátase de que tomen consciencia coa cultura gastronómica propia e que, ademais, enriquezan a súa visión co achegamento a outras culturas”
Mentres tanto, para os alumnos e alumnas do 1º e o 2º ciclo de Primaria lévase a cabo outro obradoiro baixo o título ‘Coas mans na masa’. “A partir do álbum ilustrado ‘Maruxa’, baseado na canción tradicional polaca ‘Maryna Gotuj pierogi’, do que a artista portuguesa Mafalda Milhões fixo as ilustracións, nenos e nenas traballarán con masa de pan como elemento de creación plástica. Os escolares crearán a súa masa e darán forma aos protagonistas do conto: Pepiño e Maruxa, experimentando con distintos modos de darlle cor á masa do pan, a través de colorantes naturais, provintes de distintos alimentos: remolacha, cenoria, espinacas,…”, informan desde Oquo Editora.
Os profesionais de Oqo seguirán visitando os distintos centros educativos que se animaron a participar neste programa ata finais do presente curso académico. Esta semana estarán no mencionado CEIP Luís Pimentel, mentres que á volta das vacacións de Semana Santa se achegarán ao CEIP Sagrado Corazón, ao CEIP As Mercedes e ao CEIP Menéndez Pelayo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
