Lugo, 30 de marzo de 2015. A delegada territorial, Raquel Arias, anunciou este luns que a provincia de Lugo contará con dez obradoiros de emprego no que estarán implicados 26 concellos. A Consellería de Traballo e Benestar dedicará a esta iniciativa 1.794.450,83 euros, que proporcionará emprego a 202 persoas desempregadas maiores de 25 anos, ás que hai que sumar o persoal de dirección, administración e monitores responsables de impartir a formación.
Os obradoiros terán unha duración de seis meses, durante os cales os alumnos traballadores perciben un salario e adquirirán unha formación teórica e práctica orientada ás demandas reais do mercado laboral. A data límite para o inicio dos obradoiros será, con carácter xeral, o 30 de setembro de 2015.
“Esta filosofía de aprender traballando permite ademais que os obradoiros realicen obras e servizos de interese para os concellos que os albergan e, algo moi importante, fomenta a colaboración institucional entre a Xunta de Galicia e as entidades locais responsables de promover estas iniciativas”, segundo salientou a delegada territorial.
Tamén subliñou Raquel Arias que “os participantes nos obradoiros acadan unha taxa de inserción laboral importante, dado que están enfocados a profesións que presentan unha notable demanda no mercado de traballo”. Ademais, engadiu, “o tipo de formación, eminentemente práctica, facilita a opción do autoemprego”.
A Consellería de Traballo e Benestar destina en toda Galicia 10,2 millóns de euros á posta en marcha destes obradoiros. A inversión ten carácter bianual, destinándose 7,7 millóns para 2015 e 2,5 millóns para 2016.
Nos vindeiros días procederase tamén á avaliación das propostas presentadas para a posta en marcha de obradoiros dirixidos a persoas menores de 25 anos, denominados YEI, e que supoñen unha novidade na convocatoria deste ano. Esta iniciativa está incluída dentro do novo programa de Garantía Xuvenil e contará cun orzamento de 4,7 millóns de euros.
O que quere dicir que, en conxunto, a Xunta de Galicia investirá preto de 15 millóns de euros ao desenvolvemento de máis de 70 obradoiros nos que se formarán 2.000 traballadores.
Reunida a comisión de valoración e de acordo cos criterios establecidos na orden de convocatoria, os expedientes mellor puntuados son:
Lugo, que contará con 23 alumnos e un investimento de 204.318,66 euros
Terra Chá (Vilalba e Abadín), 20 alumnos e 177.668,4 euros
Sendas de Burela, Cervo e Xove III (Cervo, Burela e Xove), 20 alumnos e 177.668,4 euros
O Muiño (Sarria), 19 alumnos e 168.784,98 euros
Pardo de Cela II (Foz, Mondoñedo, Alfoz e O Valadouro), 20 alumnos e 177.668,4 euros
Camiño da Chaira II (Castro de Rei, Cospeito e Outeiro de Rei), 20 alumnos e 177.668,4 euros.
Sillor II (Ribas de Sil, Folgoso do Courel, Quiroga), 20 alumnos e 177.668,4 euros
Ponte de Neira V (O Páramo, O Corgo e Guntín), 20 alumnos e 177.668,4 euros
Serra da Cadeira II (Barreiros, Lourenzá e Trabada), 20 alumnos e 177.668,4 euros
Río Sor III (O Vicedo, Ourol e Muras), 20 alumnos e 177.668,4 euros
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
