LUGO .- Preto de 350 veciños, entre eles un grupo de Cervo, participan nas sete rutas organizadas esta semana no programa de visitas medioambientais Km0 organizado pola Deputación. Parte de estes veciños visitarán en Viveiro a igrexa de Santa María do Campo e a Porta de Carlos V, pasearán pola praia de Covas e subirán ó Alto de San Roque e en Ribadeo visitarán o Centro de Cultivos Mariños e o Mosteiro das Clarisas e realizarán unha travesía en barco pola ría.
Nota de Prensa
Preto de 350 persoas participan esta semana no programa de visitas Km0
A igrexa románica de Vilar de Donas e o Castelo de Pambre visitaranse por primeira vez dentro desta iniciativa promovida pola Deputación
Preto de 350 veciños de Lugo, Pantón, Láncara, Cervo e Vilalba participan nas 7 rutas organizadas esta semana no programa de visitas medioambientais Km0 organizado pola Deputación. A Mariña, A Ribeira Sacra, A Terra Chá e A Ulloa son os destinos elexidos. Por primeira vez visitarase, no Concello de Palas de Rei, o Castelo de Pambre e a igrexa de Vilar de Donas, un dos exemplos máis coñecidos do románico vencellado ó Camiño de Santiago.
A segunda semana da nova etapa de Km0 inaugurouse este martes con dúas rutas nas que participan un grupo da Asociación local de pensionistas de Pantón e outro da Asociación de veciños de Hombreiro “Río Miño” de Lugo, que foron recibido nos Pazo de San Marcos, pola Deputada de Economía, Regina Polín.
Os primeiros coñecerán a oleiría de Bonxe e continuación trasladaranse á Vilaba, onde visitarán a Torre dos Andrade, o Museo Arqueolóxico e a charca de Alligal. Os segundos viaxarán a Viveiro, despois de percorrer as instalacións do Centro de Artesanía e Deseño. Na cidade do Landro visitarán a igrexa de Santa María do Campo e a Porta de Carlos V, pasearán pola praia de Covas e subirán ó Alto de San Roque.
O mércores, un dos grupos que participarán en Km0, da Asociación IV Ciclo Universitario do campus de Lugo, viaxará ó Concello de Palas de Rei para coñecer a igrexa románica de Vilar de Donas e o Castelo de Pambre e dar un paseo polos arredores. Tambén visitarán o mosteiro de Ferreira de Pallares, en Guntín.
O outro grupo, da Asociación Lares Unidos de Vilarmosteiro de Láncara, desprazarase a Ribadeo. Visitarán o Centro de Cultivos Mariños e o Mosteiro das Clarisas e realizarán unha travesía en barco pola ría de Ribadeo.
Polo que se refiere ó xoves, Km0 viaxará a Ribeira Sacra. Socios do Clube Deportivo de San Cibrao farán un percorrido a pé ata o Mirador da Pena do Castelo e navegarán en catamarán por Amandi. Por outra banda, membros da Asociación Social e Cultural de Veciños de Lanzós, do Concello de Vilalba, embarcarán en Chancís para coñecer os Canóns do Sil e visitarán os Muíños de Xábrega en Arxemil.
Por último, 24 membros do Consello Administrativo de Musasat (compañía de seguros de responsabilidade civil) visitarán o Mirador de Pena do Castelo, a oleiría de Gundivós e farán unha travesía en catamarán.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
