A Mariña, 8 de abril de 2015. O BNG na Mariña levará aos plenos municipais unha moción na que insta ás corporacións locais a rexeitar o Real Decreto-lei 8/2014, do 4 de xullo, por medio do que o goberno do Estado pretende pasar os actuais rexistros civís a mans dos rexistros da propiedade e mercantís.
Para o BNG “este traspaso supón, de feito, privatización dun servizo público e gratuíto que presta funcións indispensábeis para a vida diaria das persoas, como a inscrición de nacementos ou falecementos, cambios de nome ou sexo, estado civil, etc.”
A responsábel comarcal nacionalista afirmou que “este é outro paso para alonxar os servizos das persoas e impedir o seu acceso libre a cuestións fundamentais para trámites tan habituais como pensións, prestacións de servizos sociais ou axudas públicas. No caso da Mariña aínda é máis grave, porque a previsión é que o rexistro se asuma por aqueles que teñen competencia mercantil, co que o máis próximo sería o de Lugo.”
Segundo o BNG “este servizo préstase actualmente en todos os concellos, despois dunha reforma da lei no ano 2011, froito dun consenso entre persoal da administración de xustiza, comunidades autónomas e entidades locais que participaban neste servizo coa atención nos xulgados de paz”, explica Ana Ermida.
“Este cambio implica pasar a pagar por xestións que ata o de agora eran gratuítas e desprazamentos para solucionar outras que xa non poderán resolverse nos concellos. Ademais, datos que ata o de agora se manexaban en ficheiros públicos, pasarán a mans de persoal privado, cobrando taxas que non ingresarán nas arcas públicas”, sinalan desde o BNG.
A formación nacionalista afirma que “é obriga dos concellos defender que os servizos se presten do xeito máis cómodo e próximo á xente, polo que entendemos que deben posicionarse claramente en contra desta modificación que supón un paso máis na centralización dos servizos e o alonxamento dos mesmos, coas dificultades que supón para os trámites diarios. Non podemos permitir que, mentres as cidadáns e os cidadáns pagamos cada día máis impostos e taxas, esteamos recibindo menos servizos e de peor calidade e debemos respostar a estes ataques desde todos os ámbitos”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
