Santiago, 9 de abril de 2015.- O portavoz de Infraestruturas do Grupo Popular, Alejandro Gómez Alonso, afirmou este xoves no Parlamento galego que o Ministerio de Fomento está a traballar para erradicar de forma definitiva a problemática existente coa néboa na A-8 no treito entre Abadín e Mondoñedo. “Ademais das medidas xa adoptadas para mellorar a seguridade viaria, o Ministerio ten previsto convocar esta primavera o desenvolvemento dun proxecto de I+D+I co obxecto de determinar e desenvolver unha solución innovadora para poñer fin a este problema”, engadiu.
Gómez Alonso salientou que “a A-8 constitúe para a Comunidade Autónoma de Galicia un eixo vertebrador con tres funcións diferentes: a conexión interior de Galicia, a unión de Galicia co resto do norte de España e a comunicación con Europa”. Esta autovía, que supuxo un investimento total de 720 millóns de euros no seu trazado galego, cunha lonxitude de 86,8 quilómetros.
INTERESE DA XUNTA
Logo de recordar que se trata dunha estrada de titularidade estatal por formar parte dun itinerario de interese xeral que comunica varias comunidades autónomas, a Xunta de Galicia amosou interese polos problemas existentes coa néboa no tramo da A8 entre Abadín e Mondoñedo nas reunións que mantivo co Ministerio de Fomento.
Ata o momento, adoptáronse unha serie de medidas para mellorar a seguridade viaria entre Abadín e Mondoñedo, como a instalación de balizas laterais con lámpadas LED;, novos carteis de sinalización de alta reflectancia; novos sinais verticais para, en caso de néboa, limitar a velocidade e prohibir o adiantamento de vehículos pesados; novos paneis de mensaxe variable; novas estacións meteorolóxicas; e novas cámaras de televisión a para a visualización das condicións de néboa en tempo real dende o Centro de Xestión de Tráfico do Noroeste da DGT.
“Estas medidas teñen xa demostrado a súa eficacia e os cortes rexistrados durante o pasado mes de marzo son os primeiros dende novembro de 2014, mes no que se finalizou a súa implantación”, afirmou o portavoz popular.
Así mesmo, o Ministerio de Fomento, de cara a erradicar de forma definitiva a problemática existente, decidiu apostar polo desenvolvemento dun proxecto de I+D+i con obxecto de determinar, e no seu caso, desenvolver unha solución innovadora. A convocatoria deste procedemento sería realizada na primavera desde mesmo ano.
ACTUACIÓNS NOUTRAS ESTRADAS
Respecto da estrada LU-124, Gómez Alonso sinalou que a Consellería de Medio Ambiente ten adxudicado por 664.484,83 euros os traballos de mellora da mesma no tramo Mondoñedo-Lindín, que serve de conexión coa autovía A-8. Os traballos desenvolveranse ao longo de 8,8 quilómetros e teñen por obxecto a mellora da estrada e do estado de conservación do seu firme ancheando a plataforma da estrada.
Ademais, segundo información do Ministerio de Fomento, as actuacións previstas para este ano na N-634 consistirán na extensión dunha capa de microaglomerado en frío. Así mesmo, na N-640 realizarase a rehabilitación do firme mediante fresado e reposición con mestura bituminosa en quente.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
