Ribadeo, 10 de abril de 2015. O Consello Municipal das Mulleres pechou este xoves a súa terceira lexislatura cun balance positivo e prepárase para abrir unha nova etapa. A concelleira de Igualdade, Mariluz Álvarez Lastra, tivo palabras de agradecemento para as integrantes do CMM polo traballo e dedicación ao longo destes catro anos.
O Consello Municipal das Mulleres reuniuse por última vez nesta a súa terceira lexislatura este xoves ás 20.00 horas no salón de plenos do Concello de Ribadeo. O CMM ten que disolverse e volver a constituírse cada vez que hai eleccións municipais. Está integrado por mulleres representantes das asociacións veciñais,asociacións culturais, asociacións de mulleres e feministas, sectoriais (ámbito educativo, sanitario, social…), partidos políticos, sindicatos, técnicas de emprego e igualdade e está presidido pola Concelleira de Igualdade.
Mariluz Álvarez Lastra sinala que “co consello promóvose a participación activa das mulleres na vida política e social da vila. Ademais, transmítense e vehiculízanse as propostas que xurdan en calquera ámbito relacionadas coa problemática da igualdade de xénero. É un espazo propio onde as mulleres poden opinar sobre aquelas decisións municipais que lles van afectar”.
Nesta última reunión trasladouse ás mulleres que forman parte do CMM a información sobre as actividades realizadas dende a Concellaría de Igualdade a través do seu Centro de Información á Muller, durante este primeiro cuadrimestre do 2015. Tamén se valoraron as distintas actividades programadas para a celebración do 8 de marzo de 2015 e rematouse presentando a programación para os vindeiros meses dos Foros Permanentes para Mulleres así coma outras actividades a desenrolar. Por parte das representantes do CMM fixéronse distintas propostas de novas actividades.
A concelleira de Igualdade lembra que “cando se impulsou este órgano queríamos promover a participación das mulleres nas decisións políticas municipais no referente ás políticas de igualdade de xénero e acadar unha representación dos sectores implicados, e do maior número de vogais das parroquias do Concello. Si ben, isto, se consolidou, esperamos durante esta lexislatura ter feito un Consello dinámico e activo. Queremos, que sexan as propias mulleres do Consello as que impulsen actividades, as que propoñan, as que debatan, ….que sexan portavoces das problemáticas que existen na súa parroquia, no seu ámbito de traballo, etc”.
Marilúz Alvarez Lastra quere transmitir o seu agradecemento “a todas as persoas participantes do CMM por estes catro anos de dedicación e de traballo na procura da igualdade entre mulleres e homes no noso Concello”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
