O PÁRAMO/OUROL 10 DE ABRIL DE 2015.- Os socialistas, a petición dos alcaldables de O Páramo e Ourol –Pablo Armesto e José Luis Pajón- defenderán no Parlamento de Galicia as peticións dos veciños destes municipios relativas á atención sanitaria dos respectivos centros de saúde. Así o confirman os deputados autonómicos –Concepción Burgo e José Ramón Val-, que veñen de rexistrar distintas iniciativas na Cámara galega co fin de que, no primeiro caso, se repoña de inmediato o servizo de Atención Primaria, agora reducido á metade, e que sexa atendido por dous facultativos. No caso do municipio mariñano, as peticións dos deputados van dirixidas a esixir ao Goberno galego que cubra a praza de médico vacante.
“Seremos a voz deles. A Xunta de Galicia está levando a cabo unha política extremadamente perigosa de recortes de servizos básico no medio rural. Desta maneira non é posible fixar poboación, o que demostra que todas as declaracións do presidente Feijóo, afirmando que ten unha política de apoio ao medio rural e de loita contra a caída demográfica é unha falsidade, xa que para conseguir estes obxectivos, a primeira medida a tomar é que haxa uns servizos básicos suficientes”, afirma Burgo, quen participou na manifestación convocada este venres no municipio paramés por esta causa.
Casuísticas concretas
Concretamente, o concello de O Páramo contaba con dúas médicas de plantilla pero, aproveitando a baixa temporal dunha delas, o SERGAS eliminou unha, unindo así a cota que quedaba sen facultativa á da outra médica e concedendo tan só un substituto dous días á semana. Un ano despois, a situación empeorou aínda máis, dado que, neste momento, só está atendendo a poboación unha profesional substituta e outro facultativo que vai un día á semana e que sempre é novo. Isto provoca que, na actualidade, tan só unha médica e un enfermeiro se vexan obrigados a facerse cargo da consulta diaria das dúas cotas, das urxencias e de todas as visitas a domicilio; “unha carga claramente excesiva, cando estamos a falar dunha poboación avellentada, dispersa e con doenzas crónicas e moitas persoas enfermas encamadas”, especificou a deputada esta mañá durante a marcha que se inicio diante do ambulatorio e rematou na farmacia la localidade.
No caso de Ourol, tal e como explica Val, ata hai poucos días viñan prestando atención médica dous facultativos. Logo do concurso de traslados, un deles que, casualmente é o alcalde, obtivo a praza no concello de Vilalba, no que reside a diario. Esta cambio é o causante de que arestora o centro mariñano conte tan só cun único profesional.
“Esta situación está xerando incerteza e deficiencias á hora de atender aos doentes, pois loxicamente o servizo non é o mesmo con tan só un médico que, en ocasións, tamén ten que acudir a urxencias, deixando completamente desatendido o propio centro sanitario. Nin a crise, nin o aforro, nin a austeridade poden servir como escusa para deixar sen un servizo público básico a preto de 1.200 cidadáns”, afirma Val.
Consecuencias dor recortes do PP
E é que, mentres para o Goberno de Feijóo a contratación por un día a semana dun profesional para cubrir esta vacante parece ser suficiente, para os socialistas a falla de facultativos neste centros de saúde, non é máis que outra consecuencia dos continuos recortes do Partido Popular.
En definitiva, o que está a pasar en O Páramo e Ourol, así como noutros concellos da provincia e dos que os socialistas tamén trasladaron as súas demandas á Xunta na Cámara galega, como é o caso de Pobra de Brollón, Cospeito, Riotorto ou Mondoñedo, é consecuencia “da política redutora da Xunta”, plasmada tamén no anuncio de reducir médicos nos concellos de menos de 2.000 habitantes. Trátase esta dunha medida que, de levarse a cabo, afectaría a un total de 24 municipios, é dicir, a 32.765 habitantes.
Precisamente, neste recorte, ademais destes concellos, outras localidades nas que se eliminarían profesionais na provincia de Lugo son as seguintes: Baleira, Bóveda, Cervantes, Folgoso do Courel, O Incio, Meira, Muras, Navia de Suarna, Negueira de Muñiz, As Nogais, Pedrafita do Cebreiro, Pol, Portomarín, Rábade, Ribas de Sil, Ribeira de Piquín, Samos, Trabada, Triacastela e O Vicedo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
